یہ جو گل رو نگار ہنستے ہیں
Jump to navigation
Jump to search
یہ جو گل رو نگار ہنستے ہیں
فتنہ گر ہیں ہزار ہنستے ہیں
عرض بوسے کی سچ نہ جانو تم
ہم تو اے گلعذار ہنستے ہیں
دل کو دے مفت ہنستے ہیں ہم یوں
جس طرح شرمسار ہنستے ہیں
ہم جو کرتے ہیں عشق پیری میں
خوبرو بار بار ہنستے ہیں
جو قدیمی ہیں یار دوست نظیرؔ
وہ بھی بے اختیار ہنستے ہیں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse