ہم پہ سو ظلم و ستم کیجئے گا
Jump to navigation
Jump to search
ہم پہ سو ظلم و ستم کیجئے گا
ایک ملنے کو نہ کم کیجئے گا
بھاگتے خلق سے کچھ کام نہیں
قصد ہے آپ سے رم کیجئے گا
گر یہی زلف و یہی مکھڑا ہے
غارت دیر و حرم کیجئے گا
گر رہی یوں ہی گل فشانیٔ اشک
جا بہ جا رشک ارم کیجئے گا
جی میں ہے آج بجائے مکتوب
یہی بیت اس کو رقم کیجئے گا
مہربانی سے پھر اے بندہ نواز
کہیے کس روز کرم کیجئے گا
نیند آوے گی نہ تنہا بیدارؔ
تا نہ خواب اس سے بہم کیجئے گا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse