ہر ویلے لکھ لکھ وار میری توبہ
Jump to navigation
Jump to search
ہر ویلے لکھ لکھ وار میری توبہ
فعلوں، وصفوں، اسموں توبہ
نفسوں، روحوں، جسموں توبہ
توبہ دی ہر قسموں میری توبہ
جے تئیں ترک نہ تھیوے ساہوں
محض محال چھٹن گناہوں
دلڑی بُھل نہ سدھے راہوں
کر استغفار، میری توبہ
نفس تے شیطان شور کیتوسے
شہوت حرص دا زور پیوسے
چوریں دے سر چور تھیوسے
جاریں دے سر جار، میری توبہ
ہک ہا، ہک ہوسی، ہُن ہک ہے
بیا کُل زاہق تے ہالک ہے
فرض حقیقی ہک دی سک ہے
بٹھ پئے دو، ترے، چار، میری توبہ
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse