گُھنڈ لاہ کے ہیر دیدار دِتا
Jump to navigation
Jump to search
گُھنڈ لاہ کے ہیر دیدار دِتا
ریہا ہوش نہ عقل تھیں طاق کیتا
لنک باغ دی پَری نے جھاک دے کے
سینہ پاڑ کے چاک دا چاک کیتا
بنھ ماپیاں ظالماں ٹور دِتی
تیرے عشق نے مار کے خاک کیتا
ماں باپ تے انگ بھُلا بیٹھی
اساں چاک نُوں اپنا ساک کیتا
تیرے باجھ نہ کسے نُوں انگ لایا
سینہ ساڑ کے برہوں نیں خاک کیتا
ویکھ نویں نروئی امان تیری
شاہد حال دا میں رب پاک کیتا
اللہ جاندا ہے ایہناں عاشقاں نیں
مزے ذوق نوں چا طلاق کیتا
وارثؔ شاہ لے چلنا تُساں سانوں
کس واسطے جیو غمناک کیتا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse