کہا جو ہم نے ”ہمیں در سے کیوں اٹھاتے ہو”
Jump to navigation
Jump to search
کہا جو ہم نے ”ہمیں در سے کیوں اٹھاتے ہو”
کہا کہ اس لیے تم یاں جو غل مچاتے ہو”
کہا ”لڑاتے ہو کیوں ہم سے غیر کو ہمدم”
کہا کہ ”تم بھی تو ہم سے نگہ لڑاتے ہو”
کہا جو حال دل اپنا تو اس نے ہنس ہنس کر
کہا ”غلط ہے یہ باتیں جو تم بناتے ہو”
کہا ”جتاتے ہو کیوں ہم سے روز ناز و ادا”
کہا کہ ”تم بھی تو چاہت ہمیں جتاتے ہو”
کہا کہ ”عرض کریں ہم پہ جو گزرتا ہے؟”
کہا ”خبر ہے ہمیں کیوں زباں پہ لاتے ہو”
کہا کہ ”روٹھے ہو کیوں ہم سے کیا سبب اس کا”
کہا ”سبب ہے یہی تم جو دل چھپاتے ہو”
کہا کہ ”ہم نہیں آنے کے یاں” تو اس نے نظیرؔ
کہا کہ ”سوچو تو کیا آپ سے تم آتے ہو”
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse