کون سی شے میں ترا نور نہیں

by جمیلہ خدا بخش

کون سی شے میں ترا نور نہیں by جمیلہ خدا بخش

کون سی شے میں ترا نور نہیں
کس جگہ پر ترا ظہور نہیں

دل سے آتی ہے یہ صدا پیہم
پاس تیرے ہوں تجھ سے دور نہیں

دل وحشی نے تھے قدم چومے
اس میں کوئی مرا قصور نہیں

خاک ہو کر غبار راہ بنو
نخوت و کبر کچھ ضرور نہیں

جلوہ دکھلا دے شاہ دیں مجھ کو
تیرے لطف و کرم سے دور نہیں

جلوۂ نور سے جلا تھا کوہ
دل مکان خدا ہے طور نہیں

اے جمیلہؔ گنہ کا کیا دھڑکا
نام اس کا مگر غفور نہیں