کر کے آزاد ہر اک شہپر بلبل کترا
Jump to navigation
Jump to search
کر کے آزاد ہر اک شہپر بلبل کترا
آج صیاد نے ایک اور نیا گل کترا
جیب کتروں میں ہے مشہور صبا بادی چور
صبح غنچے کا جو کیسہ بتأمل کترا
دیکھ ٹک اپنے گریبان میں منہ ڈال کے شیخ
حرص کے ہاتھ سے دامان توکل کترا
پنجۂ مہر بنا شانۂ مشاطۂ صبح
مہ جبیں تو نے جوں ہی رشتۂ کاکل کترا
لیں گے مرغان چمن خاک گلستاں کا سبق
باغباں جب کہ خزاں نے ورق گل کترا
کس قدر تیز ہے مقراض سخن تیری نصیرؔ
گوش ہوش و خرد طالب آمل کترا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse