چُپ کرکے کریں گُزارے نُوں
چُپ کرکے کریں گُزارے نُوں
سَچ سُن کے لوگ نہ سہندے نیں
سچ آکھیے تاں گل پَیندے نیں
پھر سچے پاس نہ بہندے نیں
سچ مِٹھا عاشق پییارے نُوں
چُپ کرکے کریں گُزارے نُوں
سچ شرع کرے بربادی اے
سچ عاشق دے گھر شادی اے
سچ کردا نویں ابادی اے
جیہی شرع طریقت ہارے نُوں
چُپ کرکے کریں گُزارے نُوں
چُپ عاشق توں نہ ہندی اے
جس آئی سچ سوگندی اے
جِس ماہل سُہاگ دی گندی اے
چھڈ دُنیا کُوڑ پَسارے نُوں
چُپ کرکے کریں گُزارے نُوں
بُلٰھا شَوہ ہن سچ بولے ہیں
سچ شرع طریقت پھولے ہیں
گل چوتھے پد دی کھولے ہیں
جیہی شرع طریقت ہارے نُوں
چُپ کرکے کریں گُزارے نُوں
|
This work was published before January 1, 1929, and is in the public domain worldwide because the author died at least 100 years ago. |