پنجاں پیراں نوں رانجھنے یاد کیتا
Jump to navigation
Jump to search
پنجاں پیراں نوں رانجھنے یاد کیتا
جدوں ہیر سنیہڑا گھلیا ای
ماں باپ قاضی سبھا گرد ہوئے
گلہ سبھناں دا اساں جھلیاای
آئے پیر پنجے اگے ہتھ جوڑے
نِیر روندیاں مُول نہ ٹھلیاای
بچہ کون مصیبتاں پیش آئیاں
وِچوں جیو ساڈا تھرتھلیائی
میری ہیر نوں ویر حیران کیتا
قاضی ماؤں تے باپ پتھلیا ای
مدد کرو خداء دے واسطے دی
میرا عشق خراب ہو چلیا ای
بہت پیار دلاسڑے نال پیراں
مئیں رانجھے دا جیو تسلیا ای
تیری ہیر دی مدد تے میاں رانجھا
مخدوم جہانیاں گھلیا ای
دو سد سُنا کھاں ونجھلی دے
ساڈا گاونے تے جیو چلیا ای
وارث شاہ اگے جٹ گاؤندائی
ویکھو راگ سُن کے جیو ہلیا ای
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse