پرہے وچ بے غیرتی کل ہوئی
Jump to navigation
Jump to search
پرہے وچ بے غیرتی کل ہوئی
چوبھ وچ کلیجے دے چسکدی اے
بے شرم ہے ٹپ کے سرے چڑھدا
بھلے آدمی دی جان دھسکدی اے
چوچک گھوڑے تے تُرت اسوار ہویا
ہتھ سانگ جیوں بجلی لِشکدی اے
سُنب گھوڑے دے کاڑہی کاڑ وجن
ہیر سُندیاں رانجھے تھوں کھسکدی اے
اُٹھ رانجھیا بابل آؤندائی
نالے گل کردی نالے رشکدی اے
مینوں چھڈ سہیلیاں نس گیاں
مکر نال ہولی ہولی بسکدی اے
وارثؔ شاہ جیوں مورچے بیٹھ بلی
ساہ گھٹ جاندی ناہیں کُسکدی اے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse