وصل کے دن کا اشارہ ہے کہ ڈھل جاؤں گا
Jump to navigation
Jump to search
وصل کے دن کا اشارہ ہے کہ ڈھل جاؤں گا
دل یہ کہتا ہے کہ قابو سے نکل جاؤں گا
آتش عشق بڑھی جاتی ہے بیٹھو دم بھر
گرم رفتار رہو گے تو میں جل جاؤں گا
انتظار آپ کا ایسا ہے کہ دم کہتا ہے
نگہ شوق ہوں آنکھوں سے نکل جاؤں گا
دل سے کہتا ہے شب وصل یہی شوق وصال
میں وہ ارمان نہیں ہوں کہ نکل جاؤں گا
سیکڑوں زخم لگیں گے نہ ہٹوں گا قاتل
شجر باغ محبت ہوں میں پھل جاؤں گا
عہد طفلی سے یہ کہتا تھا مزاج جاناں
دیکھ لینا کہ جوانی میں بدل جاؤں گا
طفل اشک آنکھ تک آتا ہے یہ کہتا ہے رشیدؔ
مجھ کو مردم نے جو روکا تو مچل جاؤں گا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse