نیا سال (امین حزیں سیالکوٹی)
نیا سال پھر آ گیا دوستو
نئے سال کا خیر مقدم کریں
پڑھائی کا ہم عزم محکم کریں
بلند کامیابی کا پرچم کریں
نیا سال پھر آ گیا دوستو
نئے حوصلے ہوں نئے ولولے
نئی کوششیں ہوں نئے سلسلے
ہے دنیا سبھی سکھ کے دامن تلے
نیا سال پھر آ گیا دوستو
خلائی مسافر کی باتیں کریں
ثمر کامیابی کے اپنے چنیں
ترقی کی راہوں پہ بڑھتے رہیں
نیا سال پھر آ گیا دوستو
فسردہ روایات کو چھوڑ کر
مسائل نئے رکھ کے پیش نظر
کریں گے چلو سعئ شام و سحر
نیا سال پھر آ گیا دوستو
اٹھو پرچم امن لے کر اٹھو
جیو خود بھی اوروں کو بھی جینے دو
چلو تو قدم سب ملا کر چلو
نیا سال پھر آ گیا دوستو
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator.
Public domainPublic domainfalsefalse