نہیں کٹتا ہے یہ میدان بلا
Jump to navigation
Jump to search
نہیں کٹتا ہے یہ میدان بلا
وادیٔ خضر بیابان بلا
مستعد زلف مری رنج پہ ہے
ہے مہیا سر و سامان بلا
مر گیا گیسو پرپیچ میں دل
چھٹ گیا قیدیٔ زندان بلا
ہار پھولوں کی ہیں چوٹی میں عیاں
کیا ہی پھولا ہے گلستان بلا
بولے بکھرا کے وہ زلفیں اپنی
ہم ہوئے سلسلہ جنبان بلا
اونچی چوٹی ہے غضب اے یم حسن
کیا ہی اٹھا ہے یہ طوفان بلا
کان کی لو تری زلفوں میں نہیں
ہے چراغ تہ دامان بلا
گرمیٔ رخ سے عرق ریز ہے زلف
ہے گہر بار یہ نیسان بلا
دل مرے سینے میں ہے محو مژہ
ہے یہی شیر نیستان بلا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse