نظر کسی کو وہ موئے کمر نہیں آتا
نظر کسی کو وہ موئے کمر نہیں آتا
برنگ تار نظر ہے نظر نہیں آتا
زمانۂ غم فرقت بسر نہیں آتا
اجل بھی آتی نہیں یار اگر نہیں آتا
ہمیشہ ہوں بھی میں روتا برنگ شبنم و ابر
گلی سے کون ترے چشم تر نہیں آتا
یہ ہے نگاہ سے در پردہ تیغ زن قاتل
کہ التیام یہ زخم جگر نہیں آتا
غم فراق میں مر مر کے روز جیتا ہوں
وہ کون شب ہے جو منہ تک جگر نہیں آتا
فقط نہ نام سے چلتا ہے کام دنیا میں
کہ زیر سکہ کبھی گل کا زر نہیں آتا
وہ لڑ کے ملتے نہیں مل کے ہم پکڑتے نہیں
وہ صلح کرتے نہیں ہم کو شر نہیں آتا
فراق زلف میں روز اٹھ کے شب کو روتا ہوں
کہ سر سے گیسوئے شب تا کمر نہیں آتا
وہ شاہ حسن خفا ہوئے عرشؔ کہتا ہے
گرا جو پاؤں پر کیوں اس کا سر نہیں آتا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse