مەم و زین/18

From Wikisource
Jump to navigation Jump to search
مەم و زین  (1692)  by ئەحمەدی خانی
18. تەفەححوس و تەفائولا دایەئێ ژ رەممالی کەشفا حەقیقەتا وی ئەحوالی وکو خاتەمێ ئاسمانێ فەرتووت مەعنا نما نگینێ یاقووت
وێ دەللەئێ بێ فەسال و موحتال سوبحێ خوە گهاندە پێشی رەممال
زێڕەک دو برن د دەست خوە بۆ پیر ئەڤ ڕەنگەهە کر زەمیر تەقریر
گۆ من دو کوڕەک هەیین د مەعسووم بێ باب و یەتیم و ژار و مەحرووم
ڕۆ ژا وەکوو بوویە عید و سەرسال ئەو ژی ب تەریقێ تەبعێ ئەتفال
ڕابوونەڤە هەردو چوونە گەشتێ غوولان غەلەتاند بوون ل دەشتێ
ئیرۆهە دەما کو بوونە پەیدا دینن تەلەسن جونوون و شەیدا
هاتینەڤە بێ لباس و تازی گەهـ گەهـ دکرن فغان و گازی
بێهش دکەڤن گەلەک دمینن گاڤا وەکوو ڕادبن ددینن
ئەڤ خاتەمەنە ئەوان د دەستن گۆیا تو دبێی ب ڤان د مەستن
ئەی واقفێ رەمز و کاشفێ راز بێچارەمە ئەز تو چارە پەرداز
ئحسان بکە قەنج ژێ خەبەر دە کانێ سەبیێ د من چ دەردە
مەجنوونیە سەرعە یا هەوایە چاوا مەرەزەچ بۆ دەوایە
ئەی مورشد و پێشەوایێ موقبل حەللالێ عوقوود و حەللێ موشکل
سررەک هەیە وێ د ڤان نگینان پەیدایە ل نک وە دووربینان
ئەسحابێ نگین ببێژە کینە جننینە پەرینە ئادەمینە؟