میں اگر وہ ہوں جو ہونا چاہئے
Jump to navigation
Jump to search
میں اگر وہ ہوں جو ہونا چاہئے
میں ہی میں ہوں پھر مجھے کیا چاہئے
غرق خم ہونا میسر ہو تو بس
چاہئے ساغر نہ مینا چاہئے
منحصر مرنے پہ ہے فتح و شکست
کھیل مردانہ ہے کھیلا چاہئے
بے تکلف پھر تو کھیوا پار ہے
موجزن قطرہ میں دریا چاہئے
تیز غیروں پر نہ کر تیغ و تبر
آپ اپنے سے مبرا چاہئے
ہو دم عرض تجلی پاش پاش
سینہ مثل طور سینا چاہئے
حسن کی کیا ابتدا کیا انتہا
شیفتہ بھی بے سر و پا چاہئے
پارسا بن گر نہیں رندوں میں بار
کچھ تو بیکاری میں کرنا چاہئے
کفر ہے ساقی پہ خست کا گماں
تشنہ سرگرم تقاضا چاہئے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse