میرا ہونا سی قصہ پاک ہو جاندا تے کیہ ہوندا
میرا ہونا سی قصہ پاک ہو جاندا تے کیہ ہوندا
چلو راضی جے اوہ سفاک ہو جاندا تے کیہ ہوندا
غماں دی رات دا کتھے ہنیرا پاڑ جانا سی
صبح دا پیرہن جے چاک ہو جاندا تے کیہ ہوندا
ہزاراں پردیاں وچ رہ کے جس اگاں لگایاں نیں
اوہ شعلہ حسن دا بے باک ہو جاندا تے کیہ ہوندا
اوہ سادا رہ گیا تے ہو گیا فتنہ قیامت دا
خدا جانے ذرا چالاک ہو جاندا تے کیہ ہوندا
میں غم اپنے دا قصہ ڈردیاں اوہنوں سُنایا نہ
جے اوہ کارے قضا غمناک ہو جاندا تے کیہ ہوندا
میں بھاویں خاک ساں اک وار دنیا ویکھ لیناں سی
جے اوہدے راہ گزر دی خاک ہو جاندا تے کیہ ہوندا
عشق نے بَھلیاں بَھلیاں دے پئے بخئے اُدھیرے نیں
تیرا وی فضل دامن چاک ہو جاندا تے کیہ ہوندا
|
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator. | 
|