منکر ہوتے ہیں ہنر والے
Jump to navigation
Jump to search
منکر ہوتے ہیں ہنر والے
نخل جھک جاتے ہیں ثمر والے
ہم نے گھورا تو ہنس کے فرمایا
اچھے آئے بری نظر والے
منہدی مل کر وہ شوخ کہتا ہے
سینک لیں آنکھیں چشم تر والے
ہے سلامت جو سنگ در ان کا
سیکڑوں مجھ سے درد سر والے
قدرؔ کیا اپنے پاس دل کے سوا
اڑیں پر والے پھولیں زر والے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse