مرے نزع کو مت اس سے کہو ہوا سو ہوا
Jump to navigation
Jump to search
مرے نزع کو مت اس سے کہو ہوا سو ہوا
کہ دل دہندہ جیو یا مرو ہوا سو ہوا
جلا دیا جو پتنگ اب نہ رو ہوا سو ہوا
اے شمع صبح کو جو ہو سو ہو ہوا سو ہوا
دل اس کوں دے چکا دیوانگی نہ چھوڑوں گا
اے طفلو پتھروں سے مارو ہنسو ہوا سو ہوا
مجھے رلا کے خوں آنسو نہ پونچھ خوف یہ ہے
تو ہاتھ میرے لہو سے نہ دھو ہوا سو ہوا
بچھائیں پلکیں جو میں نے نہ آیا کہہ بھیجا
اب آگے راہ میں کانٹے نہ بو ہوا سو ہوا
کیا ہے قتل جو عزلتؔ کو اب نہ رو اے یار
کہ سر پہ حسن پرستوں کے جو ہوا سو ہوا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse