مرا دل آ گیا جھٹ پٹ جھپٹ میں
Jump to navigation
Jump to search
مرا دل آ گیا جھٹ پٹ جھپٹ میں
ہوا لٹ پٹ لپٹ زلفوں کی لٹ میں
نمایاں ہے وو نور چشم مردم
پلک کی پٹ میں پتلی کی اولٹ میں
اگر دیدار کے پانے کی ہے چاہ
لے سمرن آنسووں کی رہ رہٹ میں
ہر اک ناقوس میں آتی ہے آواز
کہ ہے پرگھٹ وو ہر ہر، ہر کے گھٹ میں
لگی ہے چٹ پٹی مت کر نپٹ ہٹ
چھپے مت لٹ پٹے گھونگٹ کے پٹ میں
دل دیوانہ میرا آ گیا ہے
تری زلفوں کے سائے کی جھپٹ میں
سراجؔ اس شمع رو بن جل گیا ہے
نپٹ حسرت کے شعلوں کی لپٹ میں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse