مت بولیو تو اوس سے جہاں دارؔ دیکھنا

by مرزا جواں بخت جہاں دار

مت بولیو تو اوس سے جہاں دارؔ دیکھنا by مرزا جواں بخت جہاں دار

مت بولیو تو اوس سے جہاں دارؔ دیکھنا
کھینچے ہوئے ہے آج وہ تلوار دیکھنا

ابرو کماں سے تیر نگہ مار دیکھنا
لگتی ہے پار دل کے مرے یار دیکھنا

گریاں ہوں ایک عمر سے پوچھا نہ یار نے
روتا ہے کون یہ پس دیوار دیکھنا

تعلیم اشک و آہ سے لی میرے ابر نے
جو یوں برس رہا ہے دھواں دھار دیکھنا

سر رشتہ کفر و دیں کا حقیقت میں ایک ہے
جو تار سبحہ ہے سو ہے زنار دیکھنا

یارو میں کہہ رہا تھا کہ دل مت دے دے کے دل
آیا ہے تنگ کیا ہی جہاں دارؔ دیکھنا