لەیلا و مەجنوون/07
Jump to navigation
Jump to search
| ←06 | لەیلا و مەجنوون (1770) by 07. نامەنووسینی مەجنوون بۆ لەیلێ |
08→ |
| نویسا لەیلێ یار وەفادار | یاوا پێم نامەت بێ سەبر و مەدار |
| تۆ ئەو کەسەنی لێم کەردی تەکلیف | سڕی عەشقت بۆ نە قەلبم زەعیف |
| قەتع کەردی جە دڵ من شەوق و شادی | ئەسرین جە دیدەم جارییەن عادی |
| قەوم و خوێش جە من کەردی وە دوشمەن | جام بی وە دامان کۆهـ دەشت و دەمەن |
| ئیسەیچ سەبرت بۆ سەبووری خاسەن | سەبووری مایەی جە غەم خەلاسەن |
| نامەش دا بە دەس سوار دانا | دمای کار وێش وە لەیل کیانا |
| وێش جەو بیابان بە گریە و زاری | شیعر شۆر و شین جە بێقەراری |
| مودەتێ مەدید مەند شەوان تار | ڕۆوان مەگێڵا ئەتراف و ئەقتار |
| زەحیف بی ئەندام دڵ پڕ جە وەسواس | ماتەمزەدەی غەم «مخقل الحواس» |
| ئی هەواڵ وە لای لەیلێ چون یاوا | واتی وە خەنجەر جەرگت شکاوا |
| گرەوا بە یار جە بەدبەختی وێش | یەک مەحرەم ڕاز تەڵەب کەرد وە پێش |