لەیلا و مەجنوون/06
Jump to navigation
Jump to search
| ←05 | لەیلا و مەجنوون (1770) by 06. نامەنووسینی لەیلێ بۆ مەجنوون |
07→ |
| وات ئەی شەهسەوار چون شێری مەیدان | مەخفی نە جەناب ناجوانمەردان |
| نامەیێ جە من لەیل ناتەوان | ببەر پەری قەیس شەهزادەی جوان |
| نویسا ئەی قەیس، دۆسی دەردمەندە | تۆ ئەو کەسەنی نیسبەت وە بەندە |
| کەردی بە سەد نەوع خەلاف وەعدە | جە بەین مەردوم کەردیم شەرمەندە |
| وێت کەردی کەنار بیابان گەردی | ئابڕوویی وێت لەیلت هەم بەردی |
| ئاوازەی وێڵیت جە تەمام خەڵق | مەعلوومەن، بۆش دا وە مەشام خەڵق |
| من مەندم بیمار خەستەی ناتەوان | فائیدەش نییەن بیابان لوان |
| ئیسەیچ سەلامم قەبووڵ بۆ جە لات | فکری کارێ کەر، هەرچێ هەن سەڵات |
| نامەش پێچنا، داش بە ئەو سوار | پەی ئێل ئامیری فەورەن بی ڕەهوار |
| ئاماوو پەرساش قەیسش کەرد پەیدا | نامەی لەیلێ دا وە مەجنوون شەیدا |
| مەجنوون بە سەد شەوق نامەش ستانا | بە گریە و زاری سەرانسەر وانا |