قصہ سیف الملوک/13
Jump to navigation
Jump to search
| ←12 | قصہ سیف الملوک by |
14→ |
13. در بیان حضرت پیر روشن ضمیر
کدس اﷲ سرؤل-عزیز
(حضرت پیر روشن ضمیر دے بیان وچ،
ربّ اوہناں دے اچتم بھیداں نوں پوتر کرے)
کون بندے نوں یاد کریسی ڈھونڈے کون قبر نوں
کس نوں درد اساڈا ہوسی روگ نہ رنڈے ور نوں
روح درود گھن سبھ جاسن آپو اپنے گھر نوں
تیرا روح محمد بخشا تکسی کہڑے در نوں
نہ گھر چاڑھے نہ سکھ ڈٹھے نہ کجھ کھٹی کھٹی
نہیں کسے ولّ لہنا کوئی نہ چھڈّ چلے ترٹی
جو کجھ آیا سو منہ پایا تلی رکابی چٹی
خالی ہتھ محمد بخشا ٹری نکاری لٹی
انس اولاد تساڈی بھائی پڑھسن بیٹھ قبر تے
اٹھویں روز دیونگے گلی جو کجھ گھر وچ ورتے
مینوں ہور نہیں کوئی پاسہ آسا کس دے گھر تے
جاسی روح محمد بخشا پیر سچے دے در تے