غم آہستہ رو یاں رفتہ رفتہ
غم آہستہ رو یاں رفتہ رفتہ
کیا ہے مجھ کوں حیراں رفتہ رفتہ
وو ساحر نے ادا کا سحر کر کر
لیا مجھ سیں دل و جاں رفتہ رفتہ
جگر عشاق کا داغ جفا سوں
ہوا صحن گلستاں رفتہ رفتہ
کمند زلف دکھلا کر کیا ہے
مرے دل کوں پریشاں رفتہ رفتہ
زبس اس یوسف مصری کے ہیں لب
ہوا دل مثل کنعاں رفتہ رفتہ
سراجؔ اب تو نہ ہو غمگیں کہ رحماں
کرے گا مشکل آساں رفتہ رفتہ
|
This work was published before January 1, 1929, and is in the public domain worldwide because the author died at least 100 years ago. |