عەقیدەی مەرزیە/مبحث الحسن و الحسین رضی الله تعالی عنهما
Jump to navigation
Jump to search
| ←مبحث الخلافة و الامامة | عەقیدەی مەرزیە (1860) by مبحث الحسن و الحسین رضی الله تعالی عنهما |
مبحث الٲئمة فی الاصول والفروع و الطریقة و ٲقطابها→ |
| هەر چی پەنهان کرد حەق لە شەجەردا | دیارە لە فەرع نەور و سەمەردا |
| ئەولاد کە «اولی» و فەزلی جەلی بوو | ئەولا تاج «لولا»، ئەم لا عەلی بوو |
| نواندی ئەوساف کەمالی ئەسلەین | ئایینەکەی ساف حەسەن و حوسەین |
| ئەخلاقی حەسەن نایەتە تەقریر؛ | زوان کام کەلام؟ خامە کام تەحریر؟ |
| لە وردەی هیممەت ئەو ئەر ئاگاهی | نەلەخشی و بەخشی مەرتەبەی شاهی |
| ئیسلاحی حەسەن «بين المؤمنين» | «ٲحياهم، ٲحياهُ الله آمين» |
| فیعلی «للعباد للمعبود» دەوێ | مەهدی لە ئەولاد ئەو مەوجوود دەوێ |
| گوزەشت لە شاهی وەسەر ئەشباحدا | فەرمانفەرما بوو وەسەر ئەرواحدا |
| بەم تەحریرە چاک موئەییەد دەوێ: | «قوتب هەر لە نەسل موحەممەد دەوێ» |
| تەرەججیی حەزرەت چاک زوهووری کرد | ئاوڕووی بۆ ڕووی ئەمر موعاویە ئاورد |
| بەو موددەی شەش مانگ ئەو ساحیب فنوون | ثمّ «الخلافة بعدی ثلاثون» |
| قوربانیی کەعبەی وەفا: ئیسماعیل | بورجی سەیری میهر سەییدی جەلیل |
| بەقای لازم بوو؛ تا تەمام بێ دەور | فیدای پێ دەویست، چلۆن؟ حوسەین تەور |
| تەدبیری تەقریر «خالق الوری» | چ چاک تەعبیر دا لە «ٳنی ٲری...»: |
| ڕۆحی حوسەین هات، فەرمووی: های خەلیل! | من بەدەل، نەیکەی، وەختی خۆی، دەخیل |
| چون نیسبەت بە فەزل مەعریفەی ئەو زات | دەدوت بەدەل بۆی نەکیرەی لێ هات |
| «قال، واصفاً، حضرةُ العليم: | و فديناه بِذَبح عظيم» |
| پەز ئەرچی چەرای ڕەوزەی نەعیم بێ | دەشێ بۆچ لایەق وەسفی عەزیم بێ؟! |
| ئەڵبەت ئەو زەبحە حوسەین بوو، ڕاسە | ئەسفیا هەر چی دەفەرموون واسە |
| گوزەشتی زاهیر باتین هاتە بەین | ئەو خاسەی حەسەن، ئەم خاسەی حوسەین |
| کە شەرەفناک بوون «مُقَدِّمَتَين» | حاجەت هەس باسی نەتیجە بکەین؟ |
| بۆ پاکیی عیترەت مورید، نەک مەرید، | هل يُريد غير «ٲنّما يريد...»؟ |
| موعامەلە کەوت ئەو موباهەلە؛ | موجامەلە کە نەک موجادەلە |
| دانا دەلیلی زیادتر نەویست | وەجهی تەسمییەی فاتیمەی بهیست |
| دەڵێن: سوئال کە تا لێت نەبن گوم | دەڵێم: مەعلوومە «لا ٲسٲلكم...» |
| فائیدە نادات شایستەی ئەعمال | «ٳلّا بالذی يعرف حقّ الآل» |
| تا سەڵات لەسەر ئال و بەیت نەدەی | ئیددیعای قبووڵ دوعای خۆت نەکەی |
| ئاگات لە خۆت وێ، قەدریان بزان | «بغضهم نفاق، حبّهم ٳيمان» |
| ئیمان وە بێ حوب ئالی پێغەمبەر | ناکا بە دڵی هیچ کەسدا گوزەر |
| مەشرەبت ئەگەر بائینسافییە | «ٳنّی تاركّ فيكم....» کافییە |
| بچۆ سەواعیق بێران بیخوێنە | لە شەئنیاندا هیچ دامەمێنە |
| غەیری زاتی حەق «جَلً، تقدّس» | سیوای پێغەمبەر بزورگتەرێ هەس؟ |
| خۆ سەر کاری حەق «باری البريّة» | لە ڕەبت و نیسبەت فرزەند بەرییە |
| پەس لەلای فامین هەر کەسێ کەسە | وتت: ئەولادی پێغەمبەر بەسە |
| ئەوانت لەبەر چاکە گەرەکە | مەعرەکەی ناوێ ئەو موشتەرەکە |
| ناشێ ویجدانت ئەمە نەزانێ | نیسبەتی خاسەی پێغەمبەر کوانێ؟ |
| هەس ئەم مەسئەلە کەس لە بەری وێ | فەرعی بێ عەمەل لە بەش بەری وێ |
| «رَبِّ لا ٲحصی ثناء عليك | البدء والعود منكَ و اليك» |
| لە سەرمان شوکری تۆ بێ حیسابە | بۆ ئەم نەبییە و ئال و ئەسحابە |
| فەرمانیان وەدەس سەفیری دین دا | وە تابیعین دا و موجتەهیدین دا |
| چ موجتەهیدین؟ ئەسحابی ئەقوال | چ موجتەهیدین؟ ئەربابی ئەحوال |
| وەکوو مەشایخ هەموو تەرائیق | «جزاهم الله بٲجر لائق» |
| باوەڕمان هەیە تەسدیعیان کێشا | لە ڕێی دینەدا گشت سەریان ئێشا |
| کول ئەهلی کەمال بە تەکمیل خەریک | کول ساحیب سلووک مەشغوولی تەسلیک |
| درێغیان نەکرد لە شەرع و لە وەرع | چ زاهیری شەرع، چ باتینی شەرع |
| بەوان ئیحیا بوو ئەسڵ و فەرعی دین | «ٲحياهم الله ربّ العالمين» |