عەقیدەی مەرزیە/خاتیمة
Jump to navigation
Jump to search
| ←مبحث الٲیمان بالقدر خیره و شرّه | عەقیدەی مەرزیە (1860) by خاتیمة |
| زانینی ئەووەڵ ئە دەس ناکەوێ | بە نەفەس ئاگات لە خاتیمە وێ |
| زاهیری شەرعی بگرە ئە گەردن | تا ئەم مردن تێ یاخۆ ئەو مردن |
| چون بەو زاهیرە دڵ نوورانی بوو | پەردەی زوڵمانی لە ڕووی دڵ لاچوو |
| باتینی شەرعی تێت وەپیرەوە | بەم تەقریرەوە و بەم تەحریرەوە |
| دەڵێ: تەقازای زاهیر بوو ئەمە | ئەم نیزاعە و ئەم هەموو هەمهەمە؛ |
| یەکێ جەبری بوو، یەکێ قەدەری | یەکێ تابیعی ڕەئیی ئەشعەری |
| یەکێ لە دەسی تەوارود غەمناک | یەکێ خەریکی دەردی ئیشتیراک |
| کۆڵانی چاوتەنگ، تەشاوی دڵتەنگ | جێ پەست و بوڵەند خار و دار و سەنگ! |
| نێڵەی عەوامیل لە ملیدا چوست | هێش و مشانی نەوع نەوعی لێ خست |
| سەدای سەماعی و قیاسی لە گوێی | نەقێزەی نەقیز مەتڵەب دەیدا لێی |
| لە هێڵی لەفزی هۆی نەدەداوە | مەعنەوی بە حاڵ دوو بوو بەلاوە |
| لەلای باخەبەر ناقیس بێ خەبەر، | تەواو بوو، ماوە، سەقیل، مونەککەر |
| تا وەختێ کەلام سوحبەتەکەی شێخ | ئیزافەی مەعنی هیممەتەکەی شێخ |
| دای پێی فائیدەی تەخفیف و تەعریف | تەی کرد ڕێگەی حەق پێی، چلۆن؟ زەریف: |
| «قيلَ لَهُ انظُرْ مِنْ أعْلَی الدَّرَجْ | لِقاح صَفْصَفْ» بێ ئەمت و عیوەج |
| لە «كنْتُ كنزاً مخفياً» نیشان | «فأحْبَبْتُ أنْ أعْرَفْ»، چاک بزان |
| «فَخَلَقْتُ الخَلْقً» بۆچ؟ «لِكَی أعْرَف | فَاعْرِفِ النّائِب وَ قُل، لا تَخَف»: |
| ئەگەرچی مەحبووب پاک پەردەی غەیب | دامەنە بێ گەرد لە توهمەت و عەیب |
| «فی كَمَالَيْهِ بالغِنی مَقروُنْ | عَمَّا قَدْ وَجَدْ وَ عَمّا يَكوُن» |
| ئایینەی بچووک تەنگی کەونییە | ئایینەی باڵانومای ئەو نییە |
| شانەی تەفاسیل عەینی کائینات | داد، داد وە تاتای زوڵفی ئەو نادات |
| خوسووس ئایینە ئەغڵەب بۆ عەیبە | چ عەیبێ لەلای «عالِمُ الغَيبَ»ە |
| توغرای خودبەخود ئارایش دادە | وە ئەندازەی حوسن ئەزەل ئامادە |
| گرنج و شکنج پێچپێچ لەسەر خۆی | کەی ڕێی کەوت تەرتیب تیپ ڕەی و کەی |
| چ ئیحتیاجی هەیە بە شانە | «سُبْحَانَهُ مَا أعْظَمَ شانَهْ» |
| بەڵێ موختارە ئەر خەڵوەتی بوو | موتەفەززیلە ئەر جەلوەتی بوو |
| هەروەها سیفات مەزهەرن بۆ زات | ئەسمایچ مەزهەرن یەک یەک بۆ سیفات |
| بۆ هەر یەکێکیچ لە ئەسمای حوسنا | موقەددەری کرد یەکێ لە ئەشیا |
| کەوا لایق وێ بۆ مەزهەرییە | بۆ ئایینەی ئەو ئیسمی عەلییە |
| کردی بە مەبدەء لەبۆ ئەو شەیئە | ئەو ئیسمە خۆرە و ئەو شەیئە فەیئە |
| موستەعید دەوێ بەو ئیسمە ئەو شەی | بەو ئیسمە دەکا حەمد و شوکری حەی |
| زوبانێکی پاک مەلەکووتیی هەس | پێی دەکا تەسبیح جەنابی ئەقدەس |
| کە پێی عەتا کرد ئەم مەزهەرییە | بۆ وەسفی جەمال یا جەلالییە |
| دەلیلی ئەهلی حاڵە موتتەزیح | «وَ إِن مِنْ شیء إِلّا يُسَبّحْ |
| فبِتقدير العزيز الخبير | ألأشيا طُراً كَانَتْ مقادير |
| لِأسمائِهِ وَ صِفاتِهِ | تَجَلَّتْ فيها، لاَلِذاتِهِ» |
| جێی نییە جیلوەی زاتی بەتاقی | مەر دڵی موئمین فانی و باقی |
| دەرکی دڵی خەڵق هەر دادەمێنێ | هەر خۆی لەبەر چاو خۆی دەنوێنێ |
| عاریف هەر خۆیە و مەعرووف خۆیە و بەس | مەعریفەتی حەق بۆ کەس نادا دەس |
| سیدقی قەزییەی مووجیبە ڕاسە | موقتەزیی وجوود مەوزووعە، واسە |
| تۆ خۆ مەعدوومی هەر نادیاری | نە موختاریت ڕاس نە لاموختاری |
| نیزاع بڕیاوە دەگەڵ خاس و عام | «صَحّ العقيدة وَ تمَّ الكلامْ» |