عزیزاں ستم گر نہ آیا مرے گھر

From Wikisource
Jump to navigation Jump to search
عزیزاں ستم گر نہ آیا مرے گھر
by تاباں عبد الحی

عزیزاں ستم گر نہ آیا مرے گھر
نہ آیا مرے گھر عزیزاں ستم گر

محبت تو مت کر دل اس بے وفا سے
دل اس بے وفا سے محبت تو مت کر

لگا دل میں خنجر تمہاری نگہ کا
تمہاری نگہ کا لگا دل میں خنجر

ہوا کیوں مکدر تو اے آئنہ رو
تو اے آئنہ رو ہوا کیوں مکدر

وہ ایذا مکرر تجھے دے گا تاباںؔ
تجھے دے گا تاباںؔ وہ ایذا مکرر


This work was published before January 1, 1929, and is in the public domain worldwide because the author died at least 100 years ago.