عبث عبث تجھے مجھ سے حجاب آتا ہے
Jump to navigation
Jump to search
عبث عبث تجھے مجھ سے حجاب آتا ہے
ترے لیے کوئی خانہ خراب آتا ہے
پلک کے مارتے ہستی تمام ہوتی ہے
عبث کو بحر عدم سے حباب آتا ہے
خدا ہی جانے جلایا ہے کس ستم گر نے
جگر تو چشم سے ہو کر کباب آتا ہے
شب فراق میں اکثر میں لے کے آئینہ
یہ دیکھتا ہوں کہ آنکھوں میں خواب آتا ہے
نظر کروں ہوں تو یاں خواب کا خیال نہیں
گرے ہے لخت جگر یا کہ آب آتا ہے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse