طالب عشق ہے کیا سالک عریاں نہ ہوا
طالب عشق ہے کیا سالک عریاں نہ ہوا
قرب مہجور ہوا واصل جاناں نہ ہوا
ہیں جنوں جوش وہی جذب کا نسیاں نہ ہوا
قطرہ دریا جو ہوا آئنہ حیراں نہ ہوا
کیا سیہ مست ہوا کیف میں رقصاں نہ ہوا
جام سر جوش سے بھی سالک وجداں نہ ہوا
وصل موعود سے آشوب تمنا ہے عدم
بے تمنا ترا آشفتۂ ہجراں نہ ہوا
میں جو مجذوب ازل تھا نہ گئی محویت
صبح محشر سے مرا چاک گریباں نہ ہوا
دید بے چون و چگوں سیر لطائف میں جو تھی
محو آئینۂ نیرنگئی الواں نہ ہوا
وسعت مشرب رنداں ہے طلسم حیرت
یے کسی تنگ فضا دل کا بیاباں نہ ہوا
صورت حال نے مشہود کیا کیف بطوں
راز سر بستہ مرا گریۂ پنہاں نہ ہوا
جمع کیوں فرق ہو نیرنگ مظاہر کے سبب
تیرا منظور نظر آنکھوں سے پنہاں نہ ہوا
آنکھ سے آنکھ لڑی چین جبیں محو ہوئی
شوق دیدار مرا جلوا پشیماں نہ ہوا
جام سرشار میں کچھ کیف نہ آیا ہم کو
ساقیؔٔ مست جو سر حلقہ مستاں نہ ہوا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse