صفاۓ حیرت آئینہ ہے سامان زنگ آخر
Jump to navigation
Jump to search
صفاۓ حیرت آئینہ ہے سامان زنگ آخر
تغیر آب بر جا ماندہ کا پاتا ہے رنگ آخر
نہ کی سامان عیش و جاہ نے تدبیر وحشت کی
ہوا جام زمرد بھی مجھے داغ پلنگ آخر
خط نوخیز نیل چشم زخم صافیٔ عارض
لیا آئینہ نے حرز پر طوطی بچنگ آخر
ہلال آسا تہی رہ گر کشادن ہائے دل چاہے
ہوا مہ کثرت سرمایہ اندوزی سے تنگ آخر
تڑپ کر مر گیا وہ صید بال افشاں کہ مضطر تھا
ہوا ناسور چشم تعزیت چشم خدنگ آخر
لکھی یاروں کی بد مستی نے میخانے کی پامالی
ہوئی قطرہ فشانی ہائے مے باران سنگ آخر
اسدؔ پردے میں بھی آہنگ شوق یار قائم ہے
نہیں ہے نغمے سے خالی خمیدن ہائے چنگ آخر
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse