شہ رانجھا البیلا
شہ رانجھا البیلا
جوگی جادوگر وے
راول بنسی جوڑ سُنائی
وِسر گیوم گھار ور وے
یار رانجھیٹے مُرلی واہی
کر کر پیچ ہُنر وے
انہد بین بجا من موہیس
رُلدی بُوٹے جھر وے
کِنیں بُندے گل جپ مالھاں
رہندے حُسن نگر وے
تخت ہزاروں رانجھن آیا
ہیر تتی دے گھر وے
جوگن تھیساں خاک رمیساں
رُلساں شہر بحر وے
ماپیو چھوڑ لگی لڑ تیڈے
سانول کاری کر وے
باجھ پریں دے باجھ نہ کائی
بٹھ زیور بٹھ زر وے
اتنا ظلم مناسب ناہیں
رب کولوں کجھ ڈر وے
رانجھا جوگی میں جوگیانی
ڈتڑی عشق خبر وے
یار فرید نہ وِسرم ہر گز
سِکدی ویساں مر وے
|
This work was published before January 1, 1929, and is in the public domain worldwide because the author died at least 100 years ago. |