شب فرقت قضا نہیں آتی
Jump to navigation
Jump to search
شب فرقت قضا نہیں آتی
لاکھ کہتا ہوں آ نہیں آتی
چپ ہیں وہ سن کے شکوۂ اغیار
بات بھی تو بنا نہیں آتی
وہ تو وعدے پہ آ چکے اے موت
تو بھی آتی ہے یا نہیں آتی
کس مرض کی دوا ہیں آپ اگر
درد دل کی دوا نہیں آتی
شیشۂ دل ہے کس قدر نازک
ٹوٹنے کی صدا نہیں آتی
ہم ہیں آزادہ رو جہاں میں نسیمؔ
یاں ہوس کی ہوا نہیں آتی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse