سینۂ پر سوز یکسو چشم گریاں یک طرف
Jump to navigation
Jump to search
سینۂ پر سوز یکسو چشم گریاں یک طرف
دل بچے کیا یک طرف آتش ہے طوفاں یک طرف
دام سبزے کے سے بچنا طائر دل ہے محال
سبزۂ خط یک طرف زلف پریشاں یک طرف
مستعد ہیں اس بت طناز پر بہر نثار
یک طرف صبر و دل و دیں جان و ایماں یک طرف
کس پہ شب خوں مارنے کوں کی صف آرا فوج ناز
یک طرف سیاہی مسی کی سرخی پاں یک طرف
پھر بہار آئی جو باہم مستعد جنگ ہیں
یک طرف دست جنوں جیب و گریباں یک طرف
ٹک سما کر اے جہاں دارؔ آج اس کوچے میں جا
تیغ بر کف ہے وہ یکسو اور رقیباں یک طرف
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse