سہتی کھول کے تھال جاں دھیان کیتا
Jump to navigation
Jump to search
سہتی کھول کے تھال جاں دھیان کیتا
کھنڈ چاولاں دا تھال ہو گیا
چُھٹا تِیر فقیر دے معجزے دا
وچوں کُفر دا جیو پرو گیا
جیہڑا چلیا نکل یقین آہا
کرامات نُوں ویکھ کھلو گیا
گرم غضب دی آتشوں آب آہا
برف کَشف دے نال سمو گیا
جس نال فقیراں دے اَڑی بَدھی
اوہ اپنا آپ وگوء گیا
اینویں ڈاہڈیاں ماڑیاں کیہا لیکھا
اوس کھوہ لیا اوہ رو گیا
مرن وقت ہویا سبھو ختم لیکھا
جو کو جمیا جھوونے جھوگیا
وارثؔ شاہ جو کیمیا نال چُھتھا
سوئنا تانبیوں تُرت ہی ہو گیا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse