سنڌ جي ادبي تاريخ/ڀاڱو ٻيو/13
| ←12 | سنڌ جي ادبي تاريخ (1954) by 13. راءِ بهادر سيٺ آلومل ٽيڪمداس ڀوڄواڻي |
14→ |
هي ڪراچيءَ جي مشهور ڀوڄواڻي خاندان مان ٿي گذريو آهي. هي صاحب ڳچ وقت سنڌ جو ايڊيوڪيشنل انسپيڪٽر هو. سندس لکيل ڪتاب هيٺيان آهن.
(1) سنڌ جي مختصر تاريخ
ڪتاب جي حقيقت: هي ڪتاب انگريزيءَ ۾ لکيلن سنڌ جي تاريخن تان مختصر حقيقتون وٺي سنڌيءَ ۾ راءِ بهادر سيٺ آلومل تيار ڪئي هئي ۽ تعليم کاتي جيڪي اوائل ۾ اسڪولن لاءِ درسي ڪتاب تيار ڪرايا هئا، تن سان گڏ تيار ٿي هئي. ان وقت کان وٺي هن وقت تائين هيءَ تاريخ درسي ڪتابن جي ياداشت ۾ داخل آهي؛ پر ٿورا ورهيه ٿيندا، جو سنڌ جون نيون با تصوير تاريخون درسي ڪتاب طور ڪم اچڻ لاءِ منظور ٿي ويون آهن، تنهنڪري هي تاريخ اسڪولن ۾ ڪم ڪا نہ ٿي اچي.
صورتخطي، عبارت ۽ ٻولي:
جيتوڻيڪ اصل تصنيف جو ٽيون ڇاپو اسان جي هٿ ۾ آهي ته بہ منجهس اعرابون (ڇڙهيون خواه ٻٽيون) چڱيءَ طرح ڪم آيل آهن. ڪيترن ئي لفظن تي غلط تلفظ پيدا ڪندڙ اعرابون ڪتب آيل آهن، جن مان ثابت آهي ته مصنف عربي ۽ پارسي ٻولين مان اهڙو بخوبي واقف نہ هو. جهڙوڪ ديوان ننديرام، ديوان اڌارام، ديوان واڌومل وغيره هئا. جئن ته،
”ذڪر“ جي بدران ”ذڪر“
”احوال“ = = ”احَوالَ“
”معلوم“ = = ”معلوم“
”مسلمان“ = = ”مسِلمان“
”مذهب“ = = ”مذهب“ وغيره.