رخ روشن پہ صفا لوٹ گئی
Jump to navigation
Jump to search
رخ روشن پہ صفا لوٹ گئی
زلف پر کالی بلا لوٹ گئی
سن کے گلشن میں مرے نالہ و آہ
بلبل نغمہ سرا لوٹ گئی
اس بت مست پہ مے خانہ میں
دختر رز بخدا لوٹ گئی
ہم نہ مرتے اس ادا پر لیکن
پاؤں پر آ کے قضا لوٹ گئی
تنگ ہوں اپنی طبیعت سے میں
جو حسین اس کو ملا لوٹ گئی
اے سخیؔ خوب غزل تو نے کہی
سن کے طبع شعرا لوٹ گئی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse