دیکھی جو زلف یار طبیعت سنبھل گئی
Jump to navigation
Jump to search
دیکھی جو زلف یار طبیعت سنبھل گئی
آئی ہوئی بلا مرے سر پر سے ٹل گئی
پوچھا اگر کسی نے مرا آ کے حال دل
بے اختیار آہ لبوں سے نکل گئی
عریاں حرارت تپ فرقت سے میں رہا
ہر بار میرے جسم کی پوشاک جل گئی
کیفیت بہار جو یاد آئی زیر خاک
داغ جنوں سے اپنی طبیعت بہل گئی
اس کے دہان تنگ کی تنگی نہ پوچھئے
اعجاز سمجھے بات جو منہ سے نکل گئی
فرقت میں ہم بغل جو ہوا برقؔ گور سے
حسرت وصال یار کی دل سے نکل گئی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse