| بە سوورمە بۆیە دولبەر خەنجەری موژگانی دا پەرداخ
|
دڵی ھەڵناگرێ ببیێ لە کوشتە دەنگی ئۆف و ئاخ
|
| بە تیرێ کوشتمی، ھەڵیاوەسیم، سووتاندمی، رۆیی
|
دوعا بۆ حیفزی کەن، کێ دیویە جانانە وا گوستاخ
|
| گوڵ ولالەی کەژ وکۆ، کۆھکەن دێنێتەوە فکرم
|
کە خوونی ناحەقی ئەو مەوج ئەدا ئێستەش لە کێو و شاخ
|
| لەبەر قاپی خەراباتا، کە یاڕەب دایمە ئاوا بێ
|
مەگەر خاکێ بەسەرداکەم، بگەم گاھێ دەماغێ چاخ
|
| خەرابی عیشق تۆ وا بێ سەر و سامان و دەروێشە
|
سەری بێ تاجە، کولبەی بێ دەرە، دیواری بێ ساچاخ
|
| نەگەینەکەعبەی ئامالە ھەموو ئەسبابی ئامادە
|
کە دەستە: بێ عەسا، پێ: خاوسە، یەک قەتعە رێ: قومڵاخ
|
| لە رەشکی سەید فیتراکی چ شیرین شەھەوارێکە
|
کە ((مەحوی))! ھەوەکوو دێوانە، عەنقا کەوتە شاخ و داخ
|
