دیوانا مەلایێ جزیری/ێ
Jump to navigation
Jump to search
| ←قافییا ی | دیوانا مەلایێ جزیری (1630) by قافییا ێ |
چارینە→ |
ژ مابەینا دو ئەبروویان دبینم قابە قەوسەینێ[edit]
| ژ مابەینا دو ئەبروویان دبینم قابە قەوسەینێ | «تعالی الله» بنێ ڕەمزێ چ ڕەنگ ئاڤێهتە مابەینێ |
| ژ قەوسەینان دبارن تیر د جەنگێ دا موهەییانە | سولحچینە بنێ ئیرۆ خەتێ نازک ل مابەینێ |
| بنێ نوونێن ل سەر صادان کو کاتب گۆشە لێ بادان | سەراسەر قاف تا قافە رومووزا «حكمه العين»ێ |
| بەقا نینن ل بۆ تشتی حەتا کەنگێ بکین پشتی | د عشقا وان پەریڕوویان وەرن دونیایێ دا دەینێ |
| ب بەرقا شیر و ئەلماسان ب تیرێژێن د شەهکاسان | سەراسەر ئەهلێ دونیایێ دسۆژی «طرفة العين»ێ |
| مەلا «بالله» د ڤی دەوری ب ڤی ڕەنگی ب ڤی تەوری | نشان دا وەک نشانی کەس دەرانین دوڕ ژ بەحرەینێ |
هێڤی و تەوقە دکم ئەز ژ خودانا حەشەمێ[edit]
| هێڤی و تەوقە دکم ئەز ژ خودانا حەشەمێ | وێ نگار و سەنەم و پادشەهـ و موحتەشەمێ |
| جارنان بەندەیێ دل سوهتییێ مەهجوور ڤە ڤنێر | ب لەبێ لەعلێ شەکەربار و ژ عەینی کەرەمێ |
| پرسیارێ ل مە جارەک بکە شیرین دەهەنێ | کو پەریهتینە فراقا تە ل سەر دەرد و غەمێ |
| ئەر نە هودهود ژ سەبا بێت و وەکی بایێ سەبا | دێ ژ هر کوو بگەهت دەستی ڤ پەیکێ حەرەمێ |
| پرسیارێ ل مە بت وەر نە خوە مەهجوورێ غەریب | دێ ل کێ عەرز بکم ڤێ غەم و دەرد و ئەلەمێ؟ |
| «حاش لِله» کو بکم ئەشکەرە ڤان غوسسە و دەردان | وەر بسوژم ژ غەمێ عشقێ تو سەر تا قەدەمێ |
| مە ب سەحرایێ وسالا خوە دەرین تو ژ خودێ ڕا | وەر نە وەقتە کو ببین غەرقەیێ بەحرا عەدەمێ |
| ژ گولستانێ جەمالا تە گولەک بێتە زوهوورێ | ژ دنێ دێ بچتن ناڤێ بهشتا ئرەمێ |
| شەرحێ حالێ غەمێ عشقا تە ژ کوو تێتە نڤیسین | مەدحێ ئەوسافێ جەمالا تە کوجا تێ ڕەقەمێ؟ |
| وی مەجالێ کو جەمالا خوە تەجەللا دکری | لازمە سەجدە ببین بەر تە د وێ گاڤ و دەمێ! |
| سەجدە بین بەر تە ڕەوایە د حەمی مەزهەب و دینان | کی دبت موشرک و کافر ژ وی شیرینە فەمێ! |
| گەر ببم بەر تە سوجوودێ د دەما کەشف و شوهوودێ | مە ل دل دێ بدرت پەرتەوێ نوورا قدەمێ |
| «قِبْلَتی وَجْهُكَ فی كُلّ صَباح وَ مَساء» | ب دو ئەبروویێ تە جانان دخورم ئەز قەسەمێ |
| موویەکێ ئەز ژ تە نادم ب دوسەد زین و شرینان | چ دبت گەر تو حسێب کی مە ب فەرهاد و مەمێ |
| تە فەڕەنگ و عەرەبستان و مەجەر تێک ستاندن | جەلەوێ خوەش ڤەگەڕین، هاتییە نەوبا عەجەمێ |
| ما ژ دیوانێ سەعادەت سەکری شوبهی مەلایی | تو ب ناڤێ م گەدایی بکشینە قەلەمێ |
غەما عشقێ پەرهتم ئەز، حەبیبا غەمڕەڤین کانێ؟[edit]
| غەما عشقێ پەرهتم ئەز، حەبیبا غەمڕەڤین کانێ؟ | سەراسەر تێک بهێتم ئەز، ژ دەردێ فەرق و هجرانێ |
| فراقا دلبەرا ڕندە، بهێتم هەر وەکی فندە | موسلمانەک د ڕێ من دە، خەبەر بت بالی سولتانێ |
| خەبەر بت بال شەکەرخایێ، شەپال و خووب و زیبایێ | کو میرە بەلکی بیر نایێ، ئەسیرەک وێ د زندانێ |
| ئەسیرم لەرزە و تاڤێ، م تاقەت ڤێ نە پەروا ڤێ | د حەبسا وێ قە من ناڤێ، بکم فەریاد و ئەفغانێ |
| م ناڤێ ئەز ب فەریاد کم، ل زولما دلبەرێ داد کم | سەحی دێ شوبهی فەرهاد کم، بدم رووحێ ژ کۆڤانێ |
| ژ کۆڤانا تە شیرینێ، دنالم شوبهی گۆیینێ | دڕێژم هێسترێن خوینێ، وەکی تاڤێ د بارانێ |
| وەکی بەرقا بوهاری ئەز، ژ دەست چەشمێن خوماری ئەز | دکم فەریاد و زاری ئەز، مەگەر جارەک کی ئحسانێ |
| تو پوڕ ئحسان خوەی ڕەحمی، ل دەروێشان ئا بێ خەشمی | چ بیتن گەر ب نێڤ چەشمی، نەزەر کی تو ل ئاستانێ |
| ل من پورسەک ب دلداری، دبت هەمتایێ دیداری | ڤەوەستایم د فەرواری، ل عەبدێ خوە کە فەرمانێ |
| د فەرمانێ ڤەوەستایم، د بەندا خدمەتێ دایم | وەکی گۆی بێ سەر و پایم، هەمان لێ دی تو چەوگانێ |
| ل بەر چەوگان و کاشوویان، ژ دەربا تورک و هندوویان | دبازم هەر وەکی گۆیان، دەما ئەو تێنە مەیدانێ |
| دەما ئەو تێن ب بازی تێن، د گەل قەوسێن شیرازی تێن | چ مووکارن د تازی تێن، ب دەعوا تێنە لێکدانێ |
| ب دەعوا تێن مە یەغما کن، د عامێ شوور و غەوغا کن | سەواش و فتنەیان ڕاکن، ب شیر ئەو تێنە تالانێ |
| دو تالانچی د مەشهوور تێ، ژ مەعدەن عەینی کافوور تێ | د تێکل زولمەت و نوور تێ، مە کوفری دی د ئیمانێ |
| مە کوفری دی د ئسلام بێ، ژ شەرقێ زولمەت و شام بێ | ژ زولفان عەنبەرێ خام بێ، کنارێ خال و نیشانێ |
| دو زولفێ عەنبەرئەفشانن، دو لەعلێ شەککەرستانن | دو چەشمێ سحرێ فەتتانن، دلێ من وان خەدەنگ دانێ |
| دلێ من وان خەدەنگ لێدا، د بورجا رووز و شەب تێدا | ل سەلوا مار لڤین پێدا، ب مەستی هاتە سەیرانێ |
| ل سەلوێ مار ب لەف هاتن، د بورجا تیپ ب سەف هاتن | ژ باتن تیر ب خەف هاتن، ژ بەر بەندا گریبانێ |
| ژ بەر بەندا نقابا وێ، ل بەر فەتلا عسابا وێ | جەمالا ماهتابا وێ، مە بەدرەک دی د سەیوانێ |
| هەییڤ بوو ئەو د زولماتێ، دخوم سووندێ ب ئایاتێ | کو نوورێ دا سەماواتێ، ئەسەد هات ڕاستی میزانێ |
| قەمەر هات ڕاستی پەروینان، ژ بۆ خەملێ شەمال ئینان | مە نێرگز دین د نەسرینان، د نێڤ باغێ گولستانێ |
| د باغێ من مەدام دل تێ، جنەسری و سووسن و گول تێ | بەنەفش و تەرح و سونبول تێ، چەڤین سەر شوبهی رەیحانێ |
| ل دێمی سونبولان سەر دان، چەڤین سەر سووسن و وەردان | ل ماهێ عەقرەبان گەڕ دان، د سەردا ئابێ حەیوانێ |
| ژ عشقێ لەو مەلا خەستە، ژ حەرفا بادەیێ مەستە | ژ هووش و عاقلی ڕەستە، ل دەر گۆشێن د مەیخانێ |
ئەی نەسیمێ سەحەرێ ما د مەجالا سوبەهێ[edit]
| ئەی نەسیمێ سەحەرێ ما د مەجالا سوبەهێ | سەد سەلامان بگەهینی ژ مە وێ پادشەهێ |
| عەرعەرا قامەت ئەلف نەیشەککەرا شۆخ و شەپال | نازکا سیمین تەن و خوسرەو و زەررین کولەهێ |
| د بەری دا تو ببووسی ب دوسەد زاری و لوتف | ئاستان و دەر و دیوار و شوباکێن قەلەهێ |
| نامەیا جەور و جەفا و ئەلەم و دەرد و غەمان | دی ب دەستێ زەرییێ موحتەشەمێ سەرو سەهێ |
| بەلکوو دلبەر ژ ڕوویێ عادلی و مەرحەمەتێ | ڕەحمەکێ کت ب فەقیران و بپرست گلەهێ |
| ما ژ بەر زەرب و فراقا تە سوکوونەک مە هەیە؟ | جەرگ و دل هەردو ب نالینە وەکی چەنگ و ژەهێ |
| حەق دزانت د شەڤان شوبهەتی ئاڤێن د ڕەوان | مە ب دل زاری و کالینە حەتا سوبحگەهێ |
| «حجر أسود» بدرت دەست زیارەت بکرم | نەزر من بت بگرم خواس تەریقا مەکەهێ |
| دین ئەگەر بێتە بەها جان ددرم لێ ئەمما | مە هەزار جانێ عەزیزی دهلێتن د بەهێ |
| پەردەیا خێلی و چارێ تو ژ سەر دێمی هلین | دا ژ شەوقا تە ب خەف بت شەفەقا مهر و مەهێ |
| قەت دبت وەک تە شەپالێ نە د شام و نە د شەرق | کێ نشان دا د جەهان مسلی تە خوندکار و شەهێ؟ |
| عالەمەک شەهدەیییا حوسن و جەمالا تە ددت | تو زولەیخایا زەمانی و چ حاجەت مەدەهێ |
| حەق نگەهدارێ تە بت پادشەها سەرو قەدان | ب کنارێ مە فەقیران بکە جارەک نگەهێ |
| خووبی و دلبەری و ناز و تەلەتتوف ب تە شێن | خوسرەوا پادشەهانی وە خودانا جەبەهێ |
| ژ ئەزەل حەق ب مەلێ دایە ژ عشقێ قەدەحەک | تا ئەبەد مەست و خەرابین ژ مەیا وێ قەدەحێ |
ئەی نەسیمێ سبەهێ ما د مەجالا سەحەرێ[edit]
| ئەی نەسیمێ سبەهێ ما د مەجالا سەحەرێ | سەد سەلامان بگەهینی ژ مە وێ لەب شەکەرێ |
| نێرگزا نازک و تەڕ نەیشەکەرا مەست و خومار | دێم دوڕ و لەعل لەب و موحتەشەم و موعتەبەرێ |
| ئاستانی و شوباک و کولەک و پەنجەرەیان | دا ب مسکینی و زاری تو ببووسی د بەرێ |
| ئەز ب وێ قامەت و بەژنێ ل تە سووندێ دخورم | بەسکە ئەی پادشەها من ل ئەسیران غەدەرێ |
| تۆزەکێ بین ب خوە ڕا تا بکرین کوحلێ بەسەر | ل تەریقا قەدەما دلبەرێ وێ رەهگوزەرێ |
| دێمێ بەدر و ئەنییی زولف ل سەر بوونە هەلەک | ئەرقەمان حەلقە و گەڕ دانە ل دەورا قەمەرێ |
| نە بوویینە نە دبن وەک تە شەپالێ د جەهان | کێ دیین مسلی تە سیمین تەن و زەررین کەمەرێ |
| ژ بەر ئاهێن مە دنێ ئاگر و دوود بت نە عەجەب | مە د دل دا هەیە نارەک کو دسۆژت سەقەرێ! |
| دا ببینی سەنەما من تو بگین خوە بدە خەت | بکە تەلخیسێ جەوابێ مە ژ ڤێ موختەسەرێ |
| قەدەرەک شەفقە ژ لوتفا تە تەمەننا دکرین | دا مە مەحرووم نەدیری تو ژ لوتف و نەزەرێ |
| ما ب زەهرێ شەکەری دۆست بخوونت جارەکێ | عەرزحالا کو نڤیسی مە ب خوونا جەگەرێ |
| لەو کو پوڕ شەفقە ددیرت کەرەم و لوتف و کەمال | ئاهـ ژ دەست رەمز و سوڕێن وێ دوڕ و گەوهەر خەبەرێ |
| ب خودێ قەت تە د دل دا ژ خودێ ترس نەهن | دکری زولم و جەفایێ تو ل من ڤێ قەدەرێ |
| بسک و گیسوو ژ حەریرن قەسەبن توررە و زولف | تە ژ کافوورە بەدەن، خال ژ مسکێ تەتەرێ |
| پاشی وان گەزمەیێ چەهڤێن تە مەلا پێ کوشتی | ما خەدەنگ دێ بکرن قەت ل مە ئێدی ئەسەرێ؟! |
ئەی شاهدێ قودسی ڤەکە بەندێ ژ نقابێ[edit]
| ئەی شاهدێ قودسی ڤەکە بەندێ ژ نقابێ | تا چەندی وە سەرگەشتە بمینن د حجابێ |
| بسکێن ژ حەریری تو ژ نوو ماوەرێ لێکە | زولفێن ژ عەبیری شەکە باڤێ خەم و تابێ |
| قشتێن د خوە چین چین بدە بەر مسک و زەبادێ | تایێن د عسابێ بڕەشینە ب گولابێ |
| هەر یەک ب هەزار ڕەنگ ل بەژنا تە سەما تێن | خەمری و لەف و شەتری و تایێن د عسابێ |
| من جان یەدێ بەیزایە ژ عیسا چ خەبەر دم؟ | من ئاتەشێ مووسا دییە گولنارێ شەرابێ |
| مننەت کو ژ بەختێ خوە و تالع ب نەسیبم | حوسنا تەیە ئیرۆ ژ مە ڕا چوویە نسابێ |
| عشقا مە ژ بەر مەوج و عەجاجێ بوویە دەریا | وێ زیر و زەبەر کت مە ب دەست هند و غورابێ |
| نەهـ چەرخێ سپهرێ ژ هەوایا تە و مهرێ | سەرگەشتەنە ئەو تێک ڤ مە ڕا شوبهی حەبابێ |
| وەک با دلەزینی تو کومەیدی دبەزینی | عومرێ مە عەزیزێ! ب خودێ بەسکە شتابێ |
| یا پێ ب زیارەت ب مە دە، یا سەرێ ئەنگوشت | دەستێ خوە مە ئاڤێتییە بێ چارە رکابێ |
| من ڕێ ژ سەرابێ ب شەرابێ بر و مونکر | حەتتا ب ئەبەد تەشنەجەگەر ما د سەرابێ |
| سەرپووش و قبابا مەیە تەسبیح و موسەللا | وەر دا بدڕینین ل خوە ڤێ پەردە قبابێ |
| «لله» وەرە ساقی ب دو جامان مە جوان کە | موترب ب دەفێ ڕا بدە سێگاهـ و شەبابێ |
| وەر گوهـ بدە نایێ کو شرین قەد د سەمایێ | پوڕ حەلکرنە مەسئەلە ڤێ فەسلێ ختابێ |
| جاما نە شەکەرلەب ب مە دت عەینی حەرامە | فەتوا وە نوما حاشییەیا شەرحا لوبابێ |
| موفتی مە نەی و نایە و نەی قەولێ قەدیمە | باوەر تە نەهن گوهـ بدە بەر چەنگ و ڕەبابێ |
| نەردا مە چ بازی بنومیتن مە ژ سازێ | بەندین د سوئالێ وە گوشادین د جەوابێ |
| ئەز چوومە سەرایێ کو شرین قەد د سەمایێ | گۆ: ئەڤ نە مەلایێ مەیە؟ بێ پەردە بلا بێ! |
مە ب دل نێرگزییێن خاسسە دڤێن[edit]
| مە ب دل نێرگزییێن خاسسە دڤێن | سەمەن و یاسەمینێن تازە دڤێن |
| نازک و نەیشەکەرێن توحفە دڤێن | سووسنێن نازک و تەروەندە دڤێن |
| دلبەرێن دێم دوڕ و دوڕدانە دڤێن | کەوکەبێن شەوق و شەفەق زوهرە دڤێن |
| نازپەروەردە و شەهزادە دڤێن | سایەپەروەردە مە بێ پەردە دڤێن |
| سەرو قەد دێم گول و لەب غونچە دڤێن | «آيه الله»ێ شەریف نوسخە دڤێن |
| لێ ب ئعراب و خەت و جەزمە دڤێن | دلروبایان نە تنێ غەمزە دڤێن |
| ب مەسیحا سفەتێ عشوە دڤێن | سامری سحر سفەت شێوە دڤێن |
| سەنەمێن سوڕ ژ سەمەد هەر مە دڤێن | ژ مە ئەسوەد حەجەران سەجدە دڤێن |
| ب زیارەت مە ژ وان بووسە دڤێن | توررەیا شەنگ دل ئاشوفتە دڤێن |
| مهردارێن خوە د پژموردە دڤێن | پێشکێشا تە مە دوسەد نافە دڤێن |
| سەد هەزار ئەتلەس و هەم خارە دڤێن | هەر ل بۆ زینەت و خەملا تە دڤێن |
| تەختەبەند و سفەتێن قەیسەرییێ دینبەرێ حووری مسالێ زەرییێ | |
| پوڕ ژ دینا تە غەریبم خانم | ژ تە سەر تا ب قەدەم حەیرانم |
| هەر ب جان تەشنەلەبێ لەعلانم | دل د بەندا گرها زولفانم |
| یووسفێ جەرعەکەشێ هجرانم | نوقتەیێ دائرەیێ زندانم |
| لەو شوبی دائرەیێ سەرگەردانم | بادەنووشێ قەدەحێ حرمانم |
| ب دل ئاتەش ژ جەگەر بریانم | لەو پەریشان و پوڕ ئێشانم |
| عاشقێ نازک و مەحبووبانم | تو نەبین بێ سەر و بێ سامانم |
| گولێ باغێ ئرەمێ بوهتانم | شەبچراغێ شەبێ کوردستانم |
| چ تەبیعەت بەشەر و ئنسانم | «لله الحمد» چ عالی شانم |
| د ڕییا یارێ ل ڕێزا سانم | لەو د ئقلیمێ سوخەن خاقانم |
| سبەهی عیدە و ئەز پێ زانم | کو ب کێرا تە سەحەر قوربانم |
| خوەش بریندارەکی بێ دەرمانم | جارەکێ شەفقەکە رووحم و جانم |
| ژ خودێ ڕا ڤەکە بەندا بەرییێ دینبەرێ حووری مسالێ زەرییێ | |
| سووسنێن تازە و مشکین دالان | بەس پەریشان کە ل سەر سەرمالان |
| ڤەدە جارەک تو ژ دۆرا خالان | ژ دل ئەم دایینە بەر چەنگالان |
| خەنجەر و ڕم و شیرێن قەتتالان | نەزەرێ وەر بدە ساحب حالان |
| دەمەکێ دا بسەیرین سەد سالان | لەو ئەلف تێن مە د حەرفێن فالان |
| کو ل شەکلێ ڕەقەمێ سەرسالان | توی مورادا مە ژ عەرعەربالان |
| زمزم و دەنگ و زمهنا لالان | جەزبە دا مە ب هەزار ئەحوالان |
| لەو دنالم ژ نەسەق عەبدالان | کو ب مەستی ددرن یەک پالان |
| عەنبەرێن خەمری و سووسن ئالان | سوهر و زەر شەتری و چیچەک والان |
| مسرییێ وان ژ مە دل کر کالان | تە ژ قەوس و قوزەحێن خلخالان |
| کو بوویین دائرە شوبهەت هالان | خەمرییێن خەمزەدە نسبەت دالان |
| کو چەڤاندینە ژ ڕەنگ کۆپالان | مسرییان وەر بدە بەر سیقالان |
| زوهرە ڕەنگێ وە شەفەق موشتەرییێ دینبەرێ حووری مسالێ زەرییێ | |
| سونبولان تازە موسەننا نەکری | توررەیا شەنگ موتەررا نەکری |
| خەمرییان شیفتە توغرا نەکری | عەرعەرێ خارە و دیبا نەکری |
| دل و دین غارەت و یەغما نەکری | سەرێ سەودازەدە سەودا نەکری |
| دلێ غەمدیدەیێ ما شا نەکری | کوشتییێ خەنجەرێ بڕڕا نەکری |
| گوهریێ نەرگسێ شەهلا نەکری | ل مە بێ پەردە تەجەللا نەکری |
| مە ژ قەیدا خوە تەسەللا نەکری | ساعەتێ ڤێ سەعەتێ ڕانەکری |
| دەعوەیێ دلبەرییێ تا نەکری | مە دڤێ عەنبەرییان شانەکری |
| جلوەیەک میری و شاهانە کری | لێ خەرامێ ل مە مەستانە کری |
| ژ مە دل کەعبە و بوتخانە کری | پێشی شەمعا خوە مە پەروانە کری |
| وەهە جارەک مە تەوەللا نەکری | غەنجەکی قەنج ل مەللا نەکری |
| جەگەرێ ڕیش موداوا نەکری | بکوژی عاشق و پەروا نەکری |
| قەت برینێ مە تە دەرمان نەکری | ل شەهیدێن خوە تەماشا نەکری |
| ما وە دلبەر دکرن دلبەرییێ!؟ دینبەرێ حووری مسالێ زەرییێ | |
| هەردو قەوسێن تە ژ قودرەت نە ژ یەنگ | ژێ ب میزان بڕەشینن مە خەدەنگ |
| بدەرن سینە ب سەر پەنجە پەلەنگ | ڕۆم پشت دت عەجەمێ بێتە فەڕەنگ |
| لێ نە وەک واقعەیا گیو و پەشەنگ | هلبتن قەنج ژ نێڤ ئاتەشێ جەنگ |
| بێن سەواشێ حەبەش و نووبی و زەنگ | تو دزانی چ نەهەنگن چ نەهەنگ! |
| ڤەکە لەعلان تو ژ سەر شەککەرێ تەنگ | کو چ مورادا تە بوویین پێت و پەڕەنگ |
| مەستێ جەورا تە مە بێ بادە و بەنگ | بێ تە جانا ل مە عالەم بوویە تەنگ |
| ژ جەفایا تە نەما قەت ل مە ڕەنگ | تو دزانی چ دبێژت نەی و چەنگ |
| ژ چ پەیوەستە دنالن سەرێ زەنگ | مە دخوونن قەد و بەژنا تەیە شەنگ |
| نێرگزێن مەستێ ب ناز و نەیڕەنگ | لێ تو تووبا وە ئەزێ خەستەیێ لەنگ |
| چ بکم فەیدە کو ئێڤارە دەرەنگ | موتربان دا نەکەڤن چەنگێ ژ چەنگ |
| دا نەدت پەردەیێ ئایینەیێ زەنگ | وەک مەلایی ب هەزار ڕەنگ ئاهەنگ |
| کو ژ چەنگا مە بنالت خەرچەنگ | ب فەغان بێت و ژ بەر سەد فەرسەنگ |
| چ خەبەر دم ژ دلێ تەی وەکی سەنگ | دکوژی عاشقێ مسکین ب تفەنگ |
| نەکری تەرک تو ڤێ کافرییێ دینبەرێ حووری مسالێ زەرییێ | |
| ب قەدێ نێرگزا بوهتانی | نازکەک شەنگ شوبی رەیحانی |
| چ خەت ئشکەستە شرین رەیحانی | کو تە پێ نەسخ کری دیوانی |
| «الله الله» ژ چ ڕەنگ ئنسانی | یووسفێ لەب شەکەرێ عبرانی |
| بەسە گەر وەک تە بدیرت ثانی | حوورییێن رووح سفەت رووحانی |
| وەک تە سەر تا ب قەدەم نوورانی | وەک تە حاشا هەبتن شیرانی |
| «أحسن الله» ژ سررا سوبحانی | کو جەمالەک وە مونەززەهـ ئانی |
| د مسالەک بەشەری دا دانی | مە ب ئلهامێ ئیلاهی زانی |
| ب نشانێ قودرەت بێ نیشانی | چ نشان زولمەتێ نوور ئەفشانی |
| ل جەمالا سەمەدی بورهانی | تو ل دەرحەق مە چڕا ئەرزانی؟ |
| کو سەحەرگەهـ بمەشی سەیرانی | تە مەلایێ خوە قە جارەک نانی |
| ب سەرئەفرازی و عالی شانی | سەجدە بت بەر قەدەما سولتانی |
| نە تنێ رووحی تو رووح و جانی | زینەتا حوسن و سوڕا خووبانی |
| تاجێ فەرقێ سەرێ مەحبووبانی | تو ل سەر دلبەران خاقانی |
| تو ب شیرانی و لەب شەککەرییێ دینبەرێ حووری مسالێ زەرییێ | |
«صباح الخیر»[edit]
| «صَباحُ الْخير» خانێ من، شەهێ شیرین زەبانێ من | تویی ڕووح و ڕەوانێ من، ببت قوربان تە جانێ من |
| «تعالی الله» چ زاتی تو، چ وێ شیرین سفاتی تو! | نە وەک قەند و نەباتی تو، یەقین رووح و حەیاتی تو |
| حەیات و راحەتا جانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| «صَباحُ الْخير» مەستا من، لەتیفا جام ب دەستا من | خومار و مەی پەرەستا من، تویی مەقسوود و قەستا من |
| ژ مەقسوودان تویی بەس من، ببن بەر چەرخێ ئەتلەس من | ژ غەیرێ تە نەڤێت کەس من، ب ڕەشتۆزێن موقەووەس من |
| د بەندا زولفێ چەوگانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| ژ وێ زولفێ ژ وێ بەندێ، ڕەها بم لێ ژ پەیوەندێ | سیەهـ چەشمێ سپی زەندێ، تە سوهتم شوبهەتی فەندێ |
| شوبی شەمع و شەمالم ئەز، ژ بەر حوببا تە لالم ئەز | زەعیفم وەک هلالم ئەز، سفەت گۆیین دکالم ئەز |
| ڤ بولبول ڕا ب ئەفغانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| ڤ بولبول ڕا شەڤ و ڕۆژێ، ل سەر وێ تەرح و بشکۆژێ | ئەنی ماهێ شەفەق ڕۆژێ، تە سوهتم شوبهەتی دۆژێ |
| کو دوورم ئەز ژ وێ حوورێ، تنێ جارەک ل سەر سوورێ | ژ وادی ئەیمەنا توورێ، تەجەللا کر د نێڤ نوورێ |
| ژ وێ سوهتی دل و جانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| ژ حوسنا وێ تەجەللایێ، یەدێ بەیزا و بالایێ | چ وەسفان بێم خەبەر نایێ، وەلێ دل جەزبەیێ دایێ |
| نە هشیارم ژ وێ بەرقێ، ژ زەرتاجێ ل سەر فەرقێ | سپێدە دا هەتا شەرقێ، بەلێ نائێخمێ فەرقێ |
| ژ زەربێ عشقێ نالانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| زەریفی نازکی شەنگی، سفەت حووری پەری ڕەنگی | ب ڕۆژێ ڕا تو هەڤدەنگی، دو ڕەشتۆزێن سیەهـ یەنگی |
| کشاندن لێ نە وەک جاران، خەدەنگێن قەوسێ نووباران | ژ ڕەنگێ شیر و مووکاران، ڕەشاندن سینە وەک باران |
| ژ وێ زەربێ پوڕ ئێشانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| ڤەکە جارەک خەت و خالان، ل سەر وان مەسنەد و پالان | بخوونە لێ مە عەبدالان، ببینین عید و سەرسالان |
| ئجازەت دی مە دەستوورێ، پەری ڕەنگێ سفەت حوورێ | د نێڤا زولمەت و نوورێ، بنووشین مەی د فەرفوورێ |
| ژ دل تالانێ خالانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| ژ شەهکاسا کو قەرقەف تێ، مەیا نوورین موشەررەف تێ | نشانەک دلبەرێ کەفتێ، ژ بۆ من هەر سەحەر خەف تێ |
| ژ وێ جامێ دنووشم ئەز، سەحەر لەو نەی ل هووشم ئەز | ژ عامێ لێ دپووشم ئەز، ب جان هەر لێ دکووشم ئەز |
| کو غالب مەست و سەکرانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
| وەرە پێشبەر مەلایێ خوە، شەهید و موبتەلایێ خوە | ب شەفقەت کە لقایێ خوە، مەلا نەمرت ب دایێ خوە |
| مەسیحایی ل بیماران، کەسێ گەزتی دو ڕەشماران | شەهیدێن شیر و مووکاران، کری ئامانجێ نووباران |
| ل دیدارا تە حەیرانم، «صَباحُ الْخير يا خانم» وەرە بیناهییا چەهڤان، ببینم بەژن و بالایێ | |
غەرق بووم ئەز د غەما عشقێ د وەقتێ سەحەری بوو[edit]
| غەرق بووم ئەز د غەما عشقێ د وەقتێ سەحەری بوو | کو تەجەللایێ جەمالێ ژ مسالێ بەشەری بوو |
| نە ژ لەونێ بەشەران من دییە لێ دێم زەری بوو | ئەز دبێم رووحێ قودس بوو ب خوە یا حوور و پەری بوو |
| لەو ب حوسن و نەزەرێ ڕەمزەک ژ سڕا قەدەری بوو | خەمرییێن سەیر ل دێم حەلقە ل دۆرا قەمەری بوو |
| سەد خەدەنگ دانە جەگەر سینە ژ زەربێ ب کەری بوو | ل مە ئێش و ئەلەمان زێدە ژ تیرا قەجەری بوو |
| دل ژ مە بوویە پەلەک جان و جەسەد تێک سەقەری بوو | لەو مە شەب تا ب سەحەر نالەیە وەک موغنی و عوودێ |
| سەنەما سوڕ ژ سەمەد شەوق ژ حەق دایە وجوودێ گەر عەزازیلی بدیتا نەدبر غەیری سوجوودێ | |
| نەزەرەک وێ بەشەرێ لەب شەکەرێ حوورسرشتێ | نادرم ئەز ب مەی و کەوسەر و حوورێن د بهشتێ |
| ئێ دییی ئەو ب خوە جارەک د عەجیبم کو ب هش تێ | تە ژ وان قەوس و کەڤانان، چ خەدەنگن د ب وەش تێ |
| ئەوە من شافییێ دەردان مە چ حاجەت ب نڤشتێ | گەر بکت حوسن و جەمالا خوە تەجەللا د کنشتێ |
| دبتن بەیتێ قودوس ئەهلێ زیارەت ژ حەبەش تێ | سینە بوتخانەیە ئیرۆ مە ژ دێم و قەد و قشتێ |
| ب دلێ سادە چ کم ئەز کو تەجەللا نەگهشتی!؟ | ئەوە من قبلەیێ جەبهەت د قیام و د قوعوودێ |
| سەنەما سوڕ ژ سەمەد شەوق ژ حەق دایە وجوودێ گەر عەزازیلی بدیتا نەدبر غەیری سوجوودێ | |
| قبلەیا ئەهلێ دلان گەر بکتن کەشف جەمالێ | یا تەجەللا کە ژ بەر تاج و پەڕان قەوسێ هلالێ |
| کی ب دل کافرە ئێ سەجدە نەبت جەبهەت و خالێ | یا نەدت شەهدە ب ئایات د وێ وەقت و مەجالێ |
| «ليلة القدر»ە ب من ئەو سەعەت و عیدە د سالێ | شەفقە کر پەردە هلانی سەحەرێ شۆخ و شەپالێ |
| ئەییسی دێم ژ ئەنوار و سوڕێ شوبهی شەمالێ | مەششها مەست و شەکەرلەب ب مە دا مەی ژ پەیالێ |
| نەگهام سەجدە ببم پوڕ خەجلیم ئەز ژ وسالێ | هادری بەرقێ ل دل دا ژ تەجەللا و شوهوودێ |
| سەنەما سوڕ ژ سەمەد شەوق ژ حەق دایە وجوودێ گەر عەزازیلی بدیتا نەدبر غەیری سوجوودێ | |
| ڕوهنییا چەشم و چرایا مە نزام هێژ د بیرم | کو د زندان و حەبسخانەیێ وێ بەند و ئەسیرم |
| ژ خەدەنگێن قەجەری سینە تەژی گەزمە و تیرم | دل د نێڤ حەلقەیێ زولفا سیەها بوو ژ عەبیرم |
| تێک پەریشانێ لەف و شەتری و تایێن ژ حەریرم | تو هەیی من د دنێ لەو د دنێ بەگلەر و میرم |
| زێڕ و مال ئەر چ نەدیرم تە ددیرم نە فەقیرم | ژ ئەڤینا تە شەپالێ د شەڤان شوبهی نەدیرم |
| ژ لەبێ لەعلێ شەکەربارێ تە وەک شەککەر و شیرم | مە ژ سەر تا ب قەدەم سوهتنە وەک ئاتەش و عوودێ |
| سەنەما سوڕ ژ سەمەد شەوق ژ حەق دایە وجوودێ گەر عەزازیلی بدیتا نەدبر غەیری سوجوودێ | |
| بێ حساب شۆخ و شەپالێ ل مەلێ قەهر و غەدر کر | نە ئەم ئانینە خەیالێ نە ل حالێ مە نەزەر کر |
| قەت نەکر شەفقە، لباسێ غەزەبێ زێدە د بەر کر | عللەتا جەور و جەفا و ئەلەمێ جهـ ل جەگەر کر |
| عەللاندین د فراقێ ستەمێ سینە بکەر کر | ئاهـ حەتتا مرنێ ئەڤ ژ مە ڕا داغ و کەسەر کر |
| سەفەرا شام و عراقێ ل مە خوەش لازم و فەر کر | ب مە دا ژەهر و رەقیبان د دەڤی شەهد و شەکەر کر |
| ئەم بوویین پێت و پەڕەنگ لەو ژ وسالێ مە حەزەر کر | نازک و نەیشەکەر و خووب و شرین قەدد و خودوودێ |
| سەنەما سوڕ ژ سەمەد شەوق ژ حەق دایە وجوودێ گەر عەزازیلی بدیتا نەدبر غەیری سوجوودێ | |
سەنەما سوڕ ژ سەمەد[edit]
| ئەنوەرا ڕەنگ فرشتە بەشەرا حوور سرشت | یا ژ مسکێ خوتەنێ خال و خەت و کاکول و قشت |
| گەر خوە نیشان سەقەرێ دت دکرت حوور بهشت | کەعبەیا تێ نەبت ئەو بوتکەدەیە و دێر و کنشت |
| کو نەسیب دا ژ ئەزەل حەق ژ مە ڕا عشق نوشت | فەیدە ناکن ل مە ئسم و نە تلسم و نە نڤشت |
| زاهری دا مە عەزابەک وەهـ کو باتن ڤە بهشت | سوهتنێ دایە هناڤان و جەگەر تێک برشت |
| قەسدێ وەسلێ مە ب جان کر کو ڤەدایین و نەهشت | دەست نەهلین ژ تەلەب ئەر مە د ڕێ چت سەر و تشت |
| پشت نادین دو هەزار خەنجەر و تیر و ڕم و خشت | مە سەرێ دانییە ڕێ و ب خودێ بەستییە پشت |
| ئەوە من رووح و حەیات و ئەوە من قبلەیێ زات سەنەما سوڕ ژ سەمەد نەیشەکەرا لەب ژ نەبات | |
| زەرییا دێم دوڕ و لەب شەکەرا عشوە پەری | یا ژ سەر تا ب قەدەم تێک ژ عەیبانە بەری |
| ژ سەراپەردەیێ لاهووت ب سەد شیوەگەری | بێتە بەر عەینی شوهوودێ د لباسێ بەشەری |
| «حاش لله» تو کەسان دیبتن ئەڤ ڕەنگە زەری | دایە بەر قەند و نەباتێ ژ دو لەعلێن شەکەری |
| بێ تو یا لەب شەکەری، یا تو نەباتا ب تەڕی؟ | «الله الله» چ تەجەللایە ژ سررا قەدەری! |
| حاجبان سلسلە بەستینە ل دۆرا قەمەری | بێ موروووەت کو دو میران ژ سوڕێ مەی د سەری |
| دەورێ بەیتێ ژ سەفا تێنە سەمایا سەحەری | نەهێلن چینە تەوافێ و زیارەت حەجەری |
| زەمزەم و غولغولە و عومرە و عید و عەرەفات سەنەما سوڕ ژ سەمەد نەیشەکەرا لەب ژ نەبات | |
| من ب دل سوورەتێ جان دی ژ بوتان ئەو ب تەنێ | ئەو تنێ سەرو رەوان دی ژ زەریفێن چەمەنێ |
| خەمرییان حەلقە و چین دانە ژ مسکا خەتەنێ | سەر ددن چەشمەیێ حەیوان و ب زمزم درەنێ |
| لێ چ شیرانییە «الله» تە ژ وێ کەفت و چەنێ | ئەز دبێم بەدرە ب دێم لێ دکتن گوفت و کەنێ |
| یا یەقین ڕۆژە ل شەرقێ وە شەفەق دایە دنێ | غەلەتم رووحێ قودوس هاتییە نێڤ وێ بەدەنێ |
| دکت ئحیایێ مەواتان ب سوڕ و رەفت و چونێ | تە نەهن باوەر و ئیمان نەزەرێ دێ و بنێ |
| چ تەجەللایە بوویی قبلە مەلەک ڕوو ددنێ | سووسن و سونبول و گول چەرخە ل دۆرا سەمەنێ |
| ئازەری گەر بدیا هوور دکرن لات و مەنات سەنەما سوڕ ژ سەمەد نەیشەکەرا لەب ژ نەبات | |
| نێرگزا مەست و شیرین و گول و نەسرینە ژ ڕەنگ | شەکەر و لوئلوئێ مەنسوور و ب دل ئاهەن و سەنگ |
| مە ژ بەر زەربێ ئەڤینێ بوویە دل پێت و پەڕەنگ | لەو مە شەب تا ب سەحەر نالەیە وەک موغنی و چەنگ |
| دا مە سەد ڕەنگێ عەزابێ و نەهات دەر ژ مە دەنگ | هەستییان گرتییە ناسوور و مەژی دا هەیە ژەنگ |
| لەو نە هشیار و خومارین مە نە خواری مەی و بەنگ | ل مە ئیرۆ دو کەماندارێ حەبەش هاتنە جەنگ |
| تێنە قەتلا مە د دەستان دو سیەهـ قەوسێ ژ یەنگ | دڕەشینن مە و تێن مە دو هەزار تیر و خەدەنگ |
| جەگەرێ کون دکن و تێ دبەیین مسلی تفەنگ | مسلی وێ کافر و زالم قە دیین کەس د فەڕەنگ؟ |
| نازک و خووب و شەکەرخەندە و شیرین حەرەکات سەنەما سوڕ ژ سەمەد نەیشەکەرا لەب ژ نەبات | |
| د ڕییا دۆستێ مەلا یەک جهەت و سادە دلین | مە حەتا جان هەیە حاشا ژ تەلەب دەست بهلین |
| یا د ڕێ سەر بدەرین یا ب مورادێ وەسسلین | مە چ پەروایێ ڕمێن پەڕوەش و شیرین قزلین |
| تا ئەبەد مەست و هلاکین ژ شەرابا ئەزەلین | ژ جەفا و ستەما وێ ژ جەگەر پوڕ د کولین |
| پەردەیا گۆشە قەسەب بێ تو ژ سەر دێمێ هلین | کو د شەرقێ مەهـ و خورشید ژ شەوقێ بەتتلین |
| لەو ژ سوڕ سورمە ددیرین و نە موحتاجی کلین | مەست د نێڤ تۆڕ و لەفان مار ل سەلوێ فتتلین |
| سورمەدارین ژ سوڕێ مەستێ ژ قودرەت کەمملین | مە ژ غەفلەت دوژها دین و ژ سەهمێ خەججلین |
| عشوەگەر شیوە نومایا مە ژ وێ ڕووح و حەیات سەنەما سوڕ ژ سەمەد نەیشەکەرا لەب ژ نەبات | |
ئیرۆ م دی وەقتێ سەحەر[edit]
| ئیرۆ م دی وەقتێ سەحەر | ئەو دلبەرا سوندوس د بەر |
| دیسا د لبسێ سۆر و زەر | نوورەک مونەززەهـ بوو بەشەر |
| بسکێن سیاهـ خالێن د قەر | ڕەش کاکولێ زولف چوونە سەر |
| ئەسوەد بوو دائم سەجدە بەر | من بەستی عەقدا نییەتێ |
| غەفلەت ب سڕ دا من نەزەر | میران ب قەتلێ کر غەدەر |
| تیر دانە دل شاهێ مەجەر | بێ مروەت ئامانج کر جەگەر |
| فەریاد و ئەفغان سەد کەسەر | وەسفان نەشێم لێ ئەو قەدەر |
| زانم کو ڕۆژ بوو هاتە دەر سوبحان ژ شاهێ قودرەتێ | |
| سوبحان ژ تە شاهێ جەلال | هۆستایێ پوڕ قودرەت ل بال |
| خاسا تە دایی ئەڤ جەمال | دێمێ ژ قودرەت خەت و خال |
| کفش بوو د قەوسێ دا هلال | ڤێڕا مە دی بەدرا کەمال |
| لێ بوون نقاب چەوگان و دال | وان یەک ب مەستی دایە پال |
| لێ سەییری بایێ شەمال | پێچانە سەر نوورا زەلال |
| قەت کەس دیین ئەڤ ڕەنگ مسال | موترب وەرە وەقتە و مەجال |
| زازا ب نایێ ڕا بنال | ساقی وەرین خەمرا حەلال |
| جارەک ژ سەر دێمێ ڤەمال زولفێن ل دۆرا جەبهەتێ | |
| زولفێن موعەنبەر کاکولین | بسکێن سیاهـ ڕەنگ سونبولین |
| تا تا ب داڤ داڤ فەتلین | چین چین ب مەستی سلسلین |
| بایێ نەسیم تێک مەییلین | وێ قەستە خالا فلفلین |
| ئەبلەق ژ قودرەت خەمملین | وێ بوغچەیێ گول کەمملین |
| تێ عەندەلیب و بولبولین | ڕۆژ هاتە بورجا سونبولین |
| غەفلەت مە دی لەو خەججلین | مەحرووم و مەهجوور دل کولین |
| مەجرووحێ تیرێن قزلین | ڕەحمێ کە پوڕ سۆتی دلین |
| ڤێ پەردەیێ جارەک هلین باڤێ نقابا زولمەتێ | |
| پورسێ ل مهردارێ خوە کە | ل مەجزووب و حالدارێ خوە کە |
| بەس قەهر و ئازارێ خوە کە | قەستا بریندارێ خوە کە |
| شەفقێ ب دیدارێ خوە کە | تێک غەرقێ ئەنوارێ خوە کە |
| لێ ئەمر و فەروارێ خوە کە | شەهیدێ نووبارێ خوە کە |
| گەزتییێ ڕەشمارێ خوە کە | لەعلێ شەکەربارێ خوە کە |
| ب لەفز و گوفتارێ خوە کە | دەرمانێ کولدارێ خوە کە |
| لێ کەشفێ ئەسرارێ خوە کە | مەخموورێ خەممارێ خوە کە |
| حەیرانێ ڕەفتارێ خوە کە کوشتینە تیرا موحبەتێ | |
| وەر سەر دە جارەک کوشتییان | ئەختەرمەیێن خوە ب یەنگییان |
| بەردە ب مل دا خەمرییان | بادت سەحەر رەیحانییان |
| داغێن شەهید و سوهتییان | دانینە لێ وان تللییان |
| کو ژ موعجزا خوممارییان | رووح بێتە دیسا سەر گیان |
| هێژ نابڕم قەت هێڤییان | ژ وان شەفقە و دلدارییان |
| «بالله» ژ نال و زارییان | زەربا فراق و بهرییان |
| تەشبیهێ تووتاکێن چیان | خەو ناکرین شەڤتارییان |
| لێ هێژ دخوازین شوکرییان چەندی کو ڕوو دین قبلەتێ | |
| چەندی دنێ بت هەر هەبی | عالەم د بەر حوکمێ تە بی |
| هەرچی دڤێ تە هەر وەبی | لبسێ تە کەمخە و خارە بی |
| دائم ب ڕەمز و عشوە بی | شوبهەت گولا هەر غونچە بی |
| وێ بوغچەیێ خار تێ نەبی | ئاگەهـ ژ عوششاقێن خوە بی |
| چەشمەک ل ئەحوالێ مە بی | دەر حەق مەلێ بێ پەردە بی |
| ساغەر مەدام پوڕ بادە بی | پوڕ شەفقە و خوەش مەعدە بی |
| بهتر ب ڕەحم و شەفقە بی | ب شیرێ تە دا پەروانە بی |
| مەخموورێ چەهڤێن شەهلە بی سۆتینە نارێ فورقەتێ | |
| دەردێ غەدار بێم فورقەتە | فورقەت ژ جان پوڕ زەحمەتە |
| عاشق مرن هەر ساعەتە | یا سەهلە عاشق رووح دەتە |
| لێ دلبەر ئەڤ ڕەنگ عادەتە | هەرچی د بەندێ دا کەتە |
| ئەووەل ددت پێ ئولفەتە | زەوق و سەفا و سوحبەتە |
| گاڤەک کو ئەو ڤێڕا رەتە | ئانجا ژ ناگەهـ غەفلەتە |
| شیرێ جەفایێ لێ دەتە | «الله» چ وێ بێ مروەتە! |
| ڕەحمێ ب عاشق نابەتە | وێ قەستە جان یەغما کەتە |
| حەتتا کو دل قەنج ژێ بەتە ئنساف ژ مەهڕوویان مە تێ | |
| یار قەستە جان یەغما کرت | دا موعجزێ پەیدا کرت |
| ڕەمزەک ژ ڕەنگ عیسا کرت | یا سحرێ بووسینا کرت |
| ژ ئەو لەعلێ شەککەرخا کرت | دیسا شەهیدان ڕاکرت |
| ڤان کۆلەیان ئازا کرت | جارەک غەریبان شا کرت |
| راستێ یەدێ بەیزا کرت | مسکێ د جەرحان داگرت |
| دێ خوەش بکت ئحیا کرت | شەفقێ کە یا رەب دا کرت |
| ڕەش کاکولان تا تا کرت | سەد حەلقە چین چین با کرت |
| هەمیان ل دێم توغرا کرت ئەمرێ هومایوون سەر مە تێ | |
| عاشق ژ وێ دێ سادە بت | خاکا ڕییا یارێ خوە بت |
| سەد داغ د دل وەک لالە بت | خوونێ بخوت ڕەنگ خونچە بت |
| وی جانفدا شوبهەت مە بت | جانێ عەزیز نەقدانە بت |
| دائم ب سەعی و جەهدە بت | تەبعێ کو یار لێ، ئەو وە بت |
| یار ژی دگەل بێ پەردە بت | ڤێڕا ب ڕەحم و شەفقە بت |
| وەک غونچە عاشق دل ڤەبت | دل شوبهەتی ئایینە بت |
| عشق و جەمالەک زێدە بت | خال ئەسوەد و دێم قبلە بت |
| پێش هەردو نوونان سەجدە بت ڤێکڕا بوێرن سوحبەتێ | |
| ئێ گۆیێ مەیدانێ تە بت | وەک من د زندانێ تە بت |
| سەربەندێ چەوگانێ تە بت | مەجرووحێ پەیکانێ تە بت |
| یەغما و تالانێ تە بت | هەر ڕۆژ ژی قوربانێ تە بت |
| بیمارێ موژگانێ تە بت | دائم د فەرمانێ تە بت |
| حەبسی د زندانێ تە بت | موشتاق و حەیرانێ تە بت |
| سوهتی ژ هجرانێ تە بت | دێ مەستێ فنجانێ تە بت |
| وی بەهر د نیشانێ تە بت | مووچە ژ بەر خوانێ تە بت |
| لێ لوتف و ئحسانێ تە بت هەر دەم ب خوونی حەزرەتێ | |
| جامان ب ئەغیاران نەدی | خەمرێ ب خوونخواران نەدی |
| وەردان ب مورداران نەدی | وان ڕێ د گولزاران نەدی |
| رەیحان و گولناران نەدی | بۆ وان دژەن خاران نەدی |
| تو ڕەمز و ئەسراران نەدی | کۆران تو ئەنواران نەدی |
| ئازارێ مهرداران نەدی | لێ دەستێ بەدکاران نەدی |
| ب نوونەکێ یاران نەدی | نێڤ مە و خوە ئەستاران نەدی |
| تیران ژ نوو باران نەدی | وەردان ب بیماران نەدی |
| ژ غەیری سێ جاران نەدی ڕیشن نەدیرن تاقەتێ | |
| بەس عاشقان مەهجوور بکی | شوبهەت مەلێ رەنجوور بکی |
| قەلبێ شکەستی هوور بکی | شوونا برینان کوور بکی |
| شەمعا مە ژێ پوڕ نوور بکی | ب زەهرێ خوە مە مەئموور بکی |
| تەنها مە بێ دەستوور بکی | مەحرەم سەرایێ حوور بکی |
| ب وەسلا خوە دا فەغفوور بکی | ژ وێ بادەیێ مەخموور بکی |
| نێڤ کاسەیا فەرفوور بکی | دالان ژ خالان دوور بکی |
| دێمی ژ ڕەنگ کافوور بکی | فەیزێ ل دل دا فوور بکی |
| بەس عالەمێ مەقهوور بکی وەقتێ سەحەرگەهـ با دەتێ | |
ئیرۆ ژ نوو پوڕ ئاتەشم، دیسا ژ ڕەمزا دلبەرێ[edit]
| ئیرۆ ژ نوو پوڕ ئاتەشم، دیسا ژ ڕەمزا دلبەرێ | مەجرووحێ قەوسێ پوڕ وەشم، تیر دانە نێڤا جەگەرێ |
| تیر دان ژ قەوسێ ئەسوەدە، شەهزادەیا شیرین قەدە | کوشتینە وەک من دەهـ سەدە، وێ پادشاهـ و بەگلەرێ |
| وێ بەگلەرێ پوڕ کوشتنە، ئەنگوشت ب خوونێ ڕشتنە | ما ئەهلی دل قەت هشتنە؟! سوهتینە مسلی مەجمەرێ |
| لێ ئەز تنێ سەر تا قەدەم، یەکسەر دسوژم دەم ب دەم | وەسفێن د عشقێ ئەز چ دەم؟ نایێن حساب و دەفتەرێ |
| وەسفێن ئەڤین و عشقەهێ، حوسن و جەمالا وێ شەهێ | نایێنە شەرح و مەدەهێ، ئەحسەن ژ نەقشێ بەششەرێ |
| ئەحسەن ژ حوسنا دێم دوڕێ، شیرینی و گوفت و سوڕێ | سەد زاهد ئێخستن ژ ڕێ، وێ نازک و لەب شەککەرێ |
| شەککەر د نێڤ لێڤانە وێ، رەیحان ل دۆر سێڤانە وێ | مەشعەل د نێڤ شێڤانە وێ، تەیسێ ژ ڕەنگێ فەنەرێ |
| فەنەر نییە نوورا حەقە، حوسن و جەمالا موتلەقە | بەرقا سپێدە و شەفەقە، زوهرە و شەمسا خاوەرێ |
| زوهرە و ماهـ و موشتەری، من دین ل دێمێ ئەنوەری | زولفا موسەلسەل عەنبەری، سەر دایە حەوزا کەوسەرێ |
| حەوزا ژ کەوسەر چەشمە تێ، یا جهـ د رەوزا قودرەتێ | هەردەم ژ نوورێ سەر دەتێ، خەمری و تایێن عەرعەرێ |
| خەمری د ڕەش بسکا حەریر، وەربوون ل دۆر بەدرا مونیر | بورجا کو حاکم لێ دو میر، من دین ل تەختێ کشوەرێ |
| تەختێ دو میر و بەگلەران، مەیدانێ جۆقا گۆی گەڕان | ئەسلان و جۆتێ مەی خوەران، مەی دان شەرابا ساغەرێ |
| ساغەر ب دەست سەرخوەش و مەست، وەقتێ سەحەرگەهـ دەست ب دەست | غەفلەت دو بەگلەر مەیپەرەست، کوشتم ب دەربا خەنجەرێ |
| کوشتم ب دەربا کەیبڕان، گەزمە و خەدەنگا ئاوڕران | رەمز و ئشارات و سوڕان، دان دل ژ نێڤا پەنجەرێ |
| دان دل ژ بەر حوسنا ب نوور، بەرقا تەجەللایا سودوور | لەو سوهتیەم وەک کووهێ توور، حوبب و ئەڤینا ئەنوەرێ |
| حوببا تە ما خوەش هشتمە، هەر ڕۆژ ژ نوو ئەز کوشتمە | یەکسەر ژ خوونێ ڕشتمە، تیر و خەدەنگێن مەجەرێ |
| گەزمێن د شیرین نازکێ، دەربێن د وێ ڕمبازکێ | چوویینە نێڤ دل گازکێ، من داد ژ زولما دلبەرێ |
| دلبەر چ بێحەد زالمە، جارەک نەکت پورسێ ل مە | لازم ب حالی عالمە، لێ پوڕ ددیرت غەدەرێ |
| لازم ب قەتلا من دڤی، هێژ ئەڤ د دل مارێ شەڤی | پەیکان د جەرگی دا چەڤی، بەند کر ب شەوکا عەنبەرێ |
| بەند کر کولاب و پەنجەیان، دل ما د نێڤ ئشکەنجەیان | من ئاهـ ژ دەست وان غەنجەیان، کۆک و کوبارێن دینبەرێ |
| ڕەمز و سوڕێن شیرین لەبان، تیڕێژ بەرقێن کەوکەبان | ڕێزا موسەلسەل عەقرەبان، گەڕ دان ل دۆرا قەمەرێ |
| من دین ل دۆر بەدرا تەمام، حەرفێن د مەکتووب دال و لام | وێ پیشرەوێ باتن ڕەڤام، یەغما کرم سیمین بەرێ |
| سیمین بەرا نەیشەککەری، ئەو حوورییا نسبەت پەری | بەژنا شیرین دێمێ زەری، بوو ژ گولاب و ماوەرێ |
| بوو ماوەر و شیرین لەبێ، وێ خووب و نوورین غەبغەبێ | بەدرا د بورجا عەقرەبێ، کەنگێ ژ بەر پەردێ دەرێ |
| بەدرا ژ قودرەت لێ دو نوون، ئەو قاتلا ئەسوەد عویوون | پوڕ ڕاکرن وێ قەتل و خوون، عالەم پەریهت یەغماکەرێ |
| هەردەم ب زولمێ وە دسوژی، قەلبێ ژ حوببا تەی تەژی | لازم دبێم من دێ کوژی، کەس نینە چیتن مەهدەرێ |
| کەس نینە رەت مەهدەر بکت، بەس گرتییان ئەبتەر بکت | خەملێ ژ زێڕێ زەر بکت، شەفقەت ل یەکتا بدەرێ |
| شەفقێ ب دیدارێ خوە کت، قەستا بریندارێ خوە کت | شەهیدێ ڕەشمارێ خوە کت، ئێ سەر ل فتلا پیشتەرێ |
| فەتلێن سیەهـ مارێ شەڤین، رەیحان ب دۆر سەر وان چەڤین | ئاخر ب سەلوێ دا ڕەڤین، خەف بوون د تایێ چەنبەرێ |
| خەف بوون د نێڤ تۆرا قزل، ئیلان مسالن سەر ل مل | کوشتین و ژەهر ئاڤهتە دل، هێژ کوشتییێن ڕەمزا بەرێ |
| کوشتینە ئەم شیرین لەبێ، تەحلی کەشین رووز و شەبێ | گەر ئەز ببینم ئەو ب خوە بێ، ناکم ژ دل هێژ باوەرێ |
| ئەو نازکا نسبەت گولێ، جامەک ژ کەوسەر دا مەلێ | مەستم ژ بەر «قالوا» بەلێ، حەتتا ب ڕۆژا مەحشەرێ |
ڤێ فورقەتێ ئەبتەر کرین[edit]
| ڤێ فورقەتێ ئەبتەر کرین، فەریاد ژ دەستێ فورقەتێ | ژار و زەعیف و زەر کرین، فەریاد ژ دەستێ فورقەتێ |
| پوڕ زەر کرین وەک زێڕ مام، چەهڤێن ب لوتفێ پیر مام | دائم ژ ڕێ چاڤنێر مام، فەریاد ژ دەستێ فورقەتێ |
| چاڤنێری ڕەفتارا تە بووم، موشتاقی گولزارا تە بووم | لەو دوور ژ دیدارا تە بووم، فەریاد ژ دەستێ فورقەتێ |
| دوور بووم ژ وێ رەفت و چونێ، وان عشوەیان گوفت و کەنێ | نایێ ب چەهڤان من دنێ، فەریاد ژ دەستێ فورقەتێ |
| دونیا ب من مژ بوو و غەمام، خەو ژی ل چەهڤان من حەرام | عومرەک ب ڤی حالێ هە مام، فەریاد ژ دەستێ فورقەتێ |
| ساعەت ل من تێک سال بوون، دائم ل سەر دەست فال بوون | حەرفێن دهاتن دال بوون، فەریاد ژ دەستێ فورقەتێ |
| ئیرۆ تنێ دەرهات ئەلیف، مەعنا دچوو بەژنا شەریف | یا خارە لێ کەمخە و قەدیف، فەریاد ژ دەستێ فورقەتێ |
| ڤێ فورقەتێ پوڕ دل شەواند، جەرحێن قەدیم دیسا کەواند | شیشێن د سۆر تا تا تەواند، فەریاد ژ دەستێ فورقەتێ |
| داغێن مە دیسا ڕەش کرن، یەک یەک ژ نوو ئاتەش کرن | لێ زێدە پەنج و شەش کرن، فەریاد ژ دەستێ فورقەتێ |
| سەودا وسەوس و گێژ کرم، پوڕ هەر د دل خوونڕێژ کرم | چەندان وە بووم لێ هێژ کرم، فەریاد ژ دەستێ فورقەتێ |
| «بالله» ژ نالە و زارییان، گەزمێن د وان خوممارییان | خەو ناکرین شەڤ تارییان، فەریاد ژ دەستێ فورقەتێ |
| شەڤ بوو د نێڤ چەشمێن مە دا، حەتتا بە شیر مزگین دا | دێ بێ سەحەر شاهێ گەدا، فەریاد ژ دەستێ فورقەتێ |
| مزگین کو دا من ئەڤ قەدەر، رووحێ شرین من هاتە سەر | خەیلەک ل من ڕۆن بوون بەسەر، فەریاد ژ دەستێ فورقەتێ |
| ڕۆن بوو ب دیدارا تە دل، بوو غەرقێ ئەنوارا تە دل | نارەت ژ فەروارا تە دل، فەریاد ژ دەستێ فورقەتێ |
| مننەت مە دلدارێ خوە دی، دیسا ژ نوو یارێ خوە دی | سولتان و خوندکارێ خوە دی، فەریاد ژ دەستێ فورقەتێ |
| ڕەش کاکولێ سونبول چەڤین، مننەت مە دیسا غەم ڕەڤین | نوو بوو ل دل حوبب و ئەڤین، فەریاد ژ دەستێ فورقەتێ |
| دەردێ غەدار بێم فورقەتە، فورقەت ژ جان پوڕ زەحمەتە | یا سەهل کو عاشق ڕوح دەتە، فەریاد ژ دەستێ فورقەتێ |
| نارێ فراق و سوهتنێ، ئێشا خەدەنگا نوهتنێ | پورس کن ژ عوششاقان تنێ، فەریاد ژ دەستێ فورقەتێ |
| عاشق ئەون هەر دەم مرن، چەند یەک د ڕەمزێن دلبەرن | کەیبڕ ل دل من بهترن، فەریاد ژ دەستێ فورقەتێ |
| نارێ فراق و سوهتنێ، ئێشا خەدەنگا نوهتنێ | پوڕس کن ژ عوششاقان تەنێ، فەریاد ژ دەستێ فورقەتێ |
| شەوقە ب ڕەمز و ئاورن، عاشق هەڕۆ جارەک مرن | لەوا کو ئەو هەر دلگرن، فەریاد ژ دەستێ فورقەتێ |
| یا رەب ب دیدارا خوە کی، من واسلێ یارا خوە کی | بەس سوهتییێ نارا خوە کی، فەریاد ژ دەستێ فورقەتێ |
| مە ژ دۆستێ ساتەک دوور نەکی، پەرکەندە و مەهجوور نەکی | دیسا ژ نوو دل هوور نەکی، فەریاد ژ دەستێ فورقەتێ |
| کەیبر دهاتن سەد وەلێ، هاتییە نێڤ ئەحمەد دلێ | لەو کوشتنە سەد وەک مەلێ، فەریاد ژ دەستێ فورقەتێ |
| خاکا ڕییا دلبەر مەلا، بکشین د چەهڤان وەک جەلا | دیدار قسمەت بوو هەلا، فەریاد ژ دەستێ فورقەتێ |
دەر حەق مە ب شیرێ خوە مەکە تەقسیرێ[edit]
| دەر حەق مە ب شیرێ خوە مەکە تەقسیرێ | نابت د شوغلا مە بکی تەئخیرێ |
| توغرایێ هومایوون کو دکن توررەیێ ئەمر | زولفا تەیە ئانین ژ خەتا تەحریرێ |
| حوسنا تە نزانم ب چ تەشبیهێ بکم؟ | «فی أحسن تقويم» لەو هاتییە تەفسیرێ |
| سررا تە ل دێم ئایەتێ کوبرایە نەشێم | لێ نەقل و روایەت دکرم تەغسیرێ |
| گەر قەلبێ حەقیقەت نییە یەکجار چڕا | عشقا تە کرین زیر و زەبەر ئکسیرێ؟ |
| ما قودرەتێ دەفعێ هەیە وەر شێرێ عەلی بت | لامع کو بدت ساعقەیا تەقدیرێ؟؟ |
| بێ قودرەتێ تو، قووەتێ مەخلووقی چ کت | مەمنووعە ل نک عەقل کو بکت تەئسیرێ |
| نەی بەستێ تلسمێ مە ب سەد خانە برت | قادر هەیە عارف بکرت تەقریرێ؟! |
| بەر دلبەر و لەب بەر لەب و ئەندام ل یەک | خەونا مە ب یارێ بدنێ تەعبیرێ |
| زاتی ژ وجوودا مە سەبەب وێ تو دزانی | نائێتە حسابێ فەلەکێ تەدویرێ |
| ئاتەشپەرەسێ وادییێ عشقین و عەجەب | دینارپەرەس وێ دبرن تەکفیرێ |
| محرابێ دو برهێن تە ببینت عارف | نییەت چ ب جهـ بت دەما تەکبیرێ |
| زانم تە چ مزراق ڤ دل کەفتییە لێ | جارەک تو گۆیی د دەربێن تیرێ |
| تەقدیرێ کو حوکمی ل مەلێ جاری کت | قەت کەس هەیە مومکن بدەتێ تەغییرێ؟! |
مزگین ژ مەڕا بێت ژ سوڕ شرینێ[edit]
| مزگین ژ مەڕا بێت ژ سوڕ شرینێ | جانێ خوە یێ شیرین ددرم مزگینێ |
| سەد چین د خوە دا گرتییە زولفا تە ب چین | شعرا مە وە حەق لەو چوو حەتا ماچینێ |
| نەقشێن فەلەکان گوهـ ددرن ڤێ نەزمێ | تەنها نە بەشەر هەر دکرن تەحسینێ |
| عشقێ ژ خودێ دا تو بخوازی ژێڕا | گەر دێ ل نەیارەک خوە بکی نفرینێ |
| یەک سەجدە تنێ فەرزە د دینێ عشقێ | بن بەر قەدێ یارێ د مەجالێ دینێ |
| عاشق کو ب دل فاتحەیا عشقێ خواند | ئایات یەکا یەک دکرن ئامینێ |
| مە ژ لەعلێ لەبێ یارێ ڤەخوار ئاڤێ حەیات | ئەغیار بلا تێک بچن دارینێ |
| لازم ب خوە ئایینەیێ «روح الْقُدس»ی تو | لەو کەس نەدیین حووری ب ڤێ ئایینێ |
| جائز ب تە «مِنْ حَيْثُ البَشَرْ» نسبەت دان | بهن و شەفەق و نازکییا نەسرینێ |
| ئەڤ ڕەنگە فەساحەت ژ بەشەر سحرێ حەلال | ئعجازێ بەیان ئانییە بەر تەدوینێ |
| دا نالە و ئاهێن مە ژ دل سەح بکری | وەر گوهـ بدە هنداڤی سەرێ بالینێ |
| فەرهاد دزانت تو ژ پەرویز مە پورس | ئەتوارێ غەمێ عشق و سوڕا شیرینێ |
| بێ نوقتە نەهن دائرە ئحسان کە مەلا | دەووار چ کت دائرەیا تەکوینێ! |