دور سے بات خوش نہیں آتی
Jump to navigation
Jump to search
دور سے بات خوش نہیں آتی
یوں ملاقات خوش نہیں آتی
تجھ بن اے ماہ رو کبھی مجھ کو
چاندنی رات خوش نہیں آتی
جائے بوسہ کے گالیاں دیجے
یہ عنایات خوش نہیں آتی
نہ مے و جام ہے نہ ساقی ہے
ایسی برسات خوش نہیں آتی
اس کے مذکور کے سوا بیدارؔ
اور کچھ بات خوش نہیں آتی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse