دل ہوا ہے مرا خراب سخن
Jump to navigation
Jump to search
دل ہوا ہے مرا خراب سخن
دیکھ کر حسن بے حجاب سخن
بزم معنی میں سر خوشی ہے اسے
جس کوں ہے نشۂ شراب سخن
راہ مضمون تازہ بند نہیں
تا قیامت کھلا ہے باب سخن
جلوہ پیرا ہو شاہد معنی
جب زباں سوں اٹھے نقاب سخن
گوہر اس کی نظر میں جا نہ کرے
جن نے دیکھا ہے آب و تاب سخن
ہرجا گویاں کی بات کیونکہ سنے
جو سنا نغمۂ رباب سخن
ہے تری بات اے نزاکت فہم
لوح دیباچۂ کتاب سخن
ہے سخن جگ منیں عدیم المثال
جز سخن نیں دجا جواب سخن
اے ولیؔ درد سر کبھو نہ رہے
جب ملے صندل و گلاب سخن
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse