دل ویراں بھی تھا مسکن کسی کا

by جمیلہ خدا بخش

دل ویراں بھی تھا مسکن کسی کا by جمیلہ خدا بخش

دل ویراں بھی تھا مسکن کسی کا
اسی میں نور تھا روشن کسی کا

گڑھی ہے آرزو زندہ ہے حسرت
کسی کا گھر ہے دل مدفن کسی کا

بپا ہے شور محشر قتل گہہ میں
کسی کا ہاتھ ہے دامن کسی کا

دو عالم کو تہ و بالا نہ کر دے
بدلنا ناز ہے چتون کسی کا

گلستاں میں ذرا جا کر تو دیکھو
کسی کی خندگی شیون کسی کا

بھروسا چرخ پر اے دل نہ کرنا
ہوا کب دوست یہ پر فن کسی کا

چراغ عشق ہے آنسو سے روشن
کسی کا خون دل روغن کسی کا

تمنا شوق سے نگراں ہے اس میں
کسی کا زخم دل روزن کسی کا

جمیلہؔ دشت میں کہتی تھی رو کر
الٰہی دل نہ ہو دشمن کسی کا