دل نقطہ نور قدم دا اے
دل نقطہ نور قدم دا اے
ہک خال جمال صنم دا اے
جو ہے فرد مکمل کامل
اپنے نقطہ دا ہے واصل
کُل توں نیارا، کُل توں شامل
عارف لوح قلم دا اے
جس نوں ذوق حضور مہیا
اس نوں جام طہور مہیا
ربط بطون، ظہور مہیا
واسی دیس پرم دا اے
جو دل پاک تھئی اغیاروں
صاف خلص ہوئی خس خاروں
ہے آباد گلوں گلزاروں
ساگی باغ ارم دا اے
مظہر نور ظہور تجلی
مشد قرب دنی فتدلی
مرکز گردش عرش معلی
بے شک دم آدم دا اے
رونق حُسن کمال دی دلڑی
زلف اتے خط خال دی دلڑی
عکس جمال جلال دی دلڑی
برزخ دیر حرم دا اے
دل ادریس مدرس ہر دا
دل لقمان حکیم اندر دا
دل ہے خضر طریق سفر دا
ہر دم ساتھی دم دا اے
جوگی جان فریدی ملت
خلت، عشق، محبت، ملت
بٹھ پئی علم عمل دی علت
آسرا فضل کرم دا اے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse