خوشی دے نال جھاگیں ہر غمی نوں
خوشی دے نال جھاکیں ہر غمی نوں
دِلا وَٹا نہ لائیں عاشقی نوں
ہے سوڑی تے ترکھی پُل صراطوں
گلی جاندی اے جو اوکھی گلی نوں
نوا سر تیغ ہتھ قاتل دے دِتی
میں تھاں سِت ورتیا اج سادگی نوں
لگایا دل مصیبت پیش آئی
میں ٹھٹھہ جاندا ساں دل لگی نوں
میرا دل اوس ظالم چُور کیتا
میں چمکایا جہدی شیشہ گری نوں
دِلاں دے ہون عاشق لوک سادے
ایہہ جانن کیہ بُتاں دی سادگی نوں
جہناں یاراں توں سِر قربان کیتے
اوہ پا گئے موت وِچوں زندگی نوں
پلا دے ساقیا مدھ اکھیاں دی
پرے رکھ شیش محلاں دی پری نوں
کوئی اُس شوخ تے جادو نہ چلے
فضل وی آزمایا شاعری نوں
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator.
Public domainPublic domainfalsefalse