خوار خجلاں رُلدیاں پھر دیاں سن
خوار خجلاں رُلدیاں پھر دیاں سن
اکھیں ویکھدیاں ہور دیاں ہور ہوئیاں
اتے ددھ دیاں دھوتیاں نیک نیتاں
آکھے چوراں دے تے اسیں چور ہوئیاں
چور چوہدری گُنڈی پردھان کیتی
ایہہ اُلٹ اولیاںزور ہوئیاں
بد زیب تے کوہجھیاں بھیڑ مونہیاں
آکے حسن دے باغ دیاں مور ہوئیاں
ایہہ چُغل بلوچاں دے نیہونہہ مُٹھی
زمیں دوز گھوٹھی من کھور ہوئیاں
ایدھی بنت ویکھو نال نخریاں دے
مالزادیاں وچ لہور ہوئیاں
بھرجائیاں نوں بولی مار دیاں نیں
پھرن مُنڈیاں وِچ للور ہوئیاں
وارث شاہ چہناؤں تے دُھم ایہدی
جویں سسی دیاں شہر بھنبھور ہوئیاں
|
This work was published before January 1, 1929, and is in the public domain worldwide because the author died at least 100 years ago. |