خفا ہم سے وہ بے سبب ہو گیا
Jump to navigation
Jump to search
خفا ہم سے وہ بے سبب ہو گیا
غضب ہو گیا ہے غضب ہو گیا
تصور میں زلف و رخ یار کے
مرا روز مانند شب ہو گیا
میں آگے تو دیوانہ اتنا نہ تھا
خدا جانے کیا مجھ کو اب ہو گیا
لب نازک اس کے جو یاد آ گئے
کئی بار میں جاں بہ لب ہو گیا
ترے غم میں سودا و خبط و جنوں
جو تھا مجھ کو منظور سب ہو گیا
یہ آئینہ رو دیکھے یاں منتظرؔ
کہ دل اپنا رشک حلب ہو گیا
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse