خرقہ رہن شراب کرتا ہوں
Jump to navigation
Jump to search
خرقہ رہن شراب کرتا ہوں
دل زاہد کباب کرتا ہوں
نالۂ آتشیں سے یک دم میں
دل فولاد آب کرتا ہوں
آہ سوزاں و اشک گل گوں سے
کار برق و سحاب کرتا ہوں
داغ سوزان عشق سے دل کو
چشمۂ آفتاب کرتا ہوں
برق کو بھی سکوں ہوا آخر
میں ہنوز اضطراب کرتا ہوں
تاکہ بیدارؔ اس سے ہو آباد
خانۂ دل خراب کرتا ہوں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse