حیف دل میں ترے وفا نہ ہوئی
Jump to navigation
Jump to search
حیف دل میں ترے وفا نہ ہوئی
کیوں تری چشم میں حیا نہ ہوئی
یار نے نامہ بر سے خط نہ لیا
میری خاطر عزیز کیا نہ ہوئی
رہ گیا دور تیرے کوچہ سے
خاک بھی میری پیش پا نہ ہوئی
کٹ گئی عمر میری غفلت میں
کچھ تری بندگی ادا نہ ہوئی
دود دل تیری زلف تک پہنچے
آہ یاں تک مری رسا نہ ہوئی
چشم خوں خوار سے فغاںؔ دیکھا
دل بیمار کو شفا نہ ہوئی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse