حکم ہیر دا مانو تھوں لیا سہتی
حکم ہیر دا مانو تھوں لیا سہتی
گل کیتی سُو نال سہیلیاں دے
تیار ہوئیاں دو ویں ننان بھابی
نال چڑ ھے نیں کٹک اربیلیاں دے
چھڈ پاسنے ترک بیزار چلے
راہ مار دے نیں اٹھکھیلیاں دے
کِلے پُٹ ہو گئی وچ ویہڑ یاں دے
رہی ایک نہ وچ حویلیاں دے
سوہن بیسراں نال بُلاق بندے
ٹِکے بِھب رہے وچ متھیلیاں دے
دھاگے بانو ٹے بنھ کے نال بودے
گویا پھرن دوکان پھُلیلیاں دے
جٹادھاریاں دا جھُنڈ تیار ہویا
سہتی گرو چلیا نال چیلیاں دے
راجے اِندردی سبھا وچ ہوئی ہوری
پئے عجب چھنکار ابیلیاں دے
آپ ہار سنگار کر دوڑ چلیاں
ارتھ کیتیا نیں نال بیلیاں دے
وارثؔ شاہ کستوری دے مرگ چھُٹے
تھئی تھئی سریر متھیلیاں دے
|
This work was published before January 1, 1929, and is in the public domain worldwide because the author died at least 100 years ago. |